Hami Harmony (已結業)

發現以甜品為力作的Cafe，第一時間加入wish list。位處太子尾段，正好行街後去。二人晚餐 ($448)好豐富，有齊前菜、小食、主菜、甜品、飲品。不過要留意，部份款式要加錢，budget最好預鬆少少。果系梳打最怕藥水味，難得寫明用鮮果茸製作，亦喝得出來。鮮果士多啤梨檸檬薄荷梳打 (+24)，堆有多塊韓國士多啤梨粒。飲落如香氛那樣，有層次感。前調士多啤梨作頭陣，中調檸檬、薄荷慢慢跑出。朋友的玫瑰荔枝紅桑子梳打 (+$21.5)，似玫瑰蜜，甜香味較重。外賣膠杯有點失望，大概因為繁忙時間吧？看其他人，用特飲杯更有仙氣。一人一碗是日餐湯，這晚是雜菜湯。湯底較清，忌廉味不重。西芹、蘿蔔、粟米、薯仔，內藏多種蔬菜，感覺營養滿滿。凱撒沙律全生菜底，配有芝士和麵包粒，較為平實。還好加了煙三文魚(+$10)，砌成花狀，登時吸引得多。餐前小食，意外找到白酒忌廉煮青口。青口肉甜而不會霉，就是醬汁鹹了點。正常大細，量多得傻眼。數來近12隻，一般單點不便宜吧……衝著「自家製」三字，選上牛油汁蜆肉自家製蝦米幼長通意大利粉 (+$20)。意粉比一般稍粗，火候岩岩好。仔細一看，原來中間通窿，飲管構造，難怪吃著如