518
60
29
港鐵太子站 A 出口, 步行約1分鐘 繼續閱讀
電話號碼
23270665
開飯介紹
餐廳裝修以白色為主調,配以木質傢具,感覺清新溫馨。主打西餐,以白酒忌廉煮青口、 日本帶子黑松露什菌意大利飯等為推薦菜式。 繼續閱讀
營業時間
今日營業
12:00 - 23:00
星期一至四
12:00 - 23:00
星期五
12:00 - 22:30
星期六
12:00 - 23:30
星期日
12:00 - 23:00
付款方式
Visa Master AlipayHK 支付寶 現金 AE 銀聯
座位數目
30
其他資料
網上訂座
Wi-Fi
酒精飲品
自帶酒水
切餅費
電話訂座
賞訂座積分
加一服務費
當面支付
有關獎賞計劃
食評 (675)
等左今日好耐,終於到了星期六。今日要做應做的事,做完後已經夜深,就約了男朋友去太子食飯,支持一下小店。這間小店就如它名字一樣,入到去讓人感覺十分「和諧」,因為大家都是志同道合的同路人— Hami Harmony。我和男朋友入座時都已經8點多將近9點,餐廳仍然非常多人,受人歡迎。我們看看餐牌,都是例牌,一份小食、一飯一粉、兩杯飲品。⌒ 1. 白酒忌廉煮青口先點一份小食,青口是我們最喜愛的前菜。Hami 的青口煮得很有忌廉香味,特別的是還加上芝士片,已開口的青口內夾附香汁,青口一定要連汁一齊食,先可以完全享受其鮮味。⌒ 2. 牛油汁蜆肉自家製蝦米意大利粉這份意大利粉的味道是非常特別。首先,意粉的口感是極為煙韌,很有咀嚼感,而且還可以吃得出有陣陣的海鮮味,不知道餐廳的自家製配方是什麼,做得如此好食。配料則用上豐富蜆肉,再灑上蝦米鋪面,整個味道就更加充滿海鮮香味。⌒ 3. 日本帶子黑松露什菌意大利飯Risotto 的飯粒煮得獨立,而且硬身,不會水汪汪。黑松露什菌意大利飯則較為清爽,以黑松露什菌伴上日本帶子,食材和味道側重清爽為主。⌒ 4. 摩卡咖啡看到餐牌說摩卡咖啡選用法國朱古力豆,我就馬上想好。果然,這杯Mocha 的味道非常香濃,而其朱古力的味道非常強,但不是甜的普通層次,是朱古力的真高質香味,就是甜中略帶甘苦味,非常好飲。⌒ 5. 宇治抹茶拿鐵Hami 的咖啡調得非常用心,看到這個拉花就知道。宇治抹茶拿鐵的茶味相當甘香,單是這個顏綠色,已經令人感到清新。今日我聽到身旁食客的話題都是一樣,雖然大家互不相識,但在Hami 食飯卻能讓我感到非常和諧。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-10
1974 瀏覽
咁啱係網上見到呢間餐廳就比佢既裝修吸引住😚雖然舖頭唔算大但所有設置都擺咗好多心思 例如係張枱係用馬賽克風格😌而且比起其他西式餐廳佢既野食選擇算係多 好啱比朋友黎傾下計食下野🤪咁我地就嗌左2個主食加1個小食 主食分別係日本帶子黑松露什菌意大利飯 同 牛油汁蜆肉自家製蝦米意大利粉•日本帶子黑松露什菌意大利飯🍛•-個意大利飯真係充滿住黑松露 又香又啖啖都係松露😚而個飯煮得啱啱好 又唔會過冧 個帶子係煎得彈牙得黎個生熟程度係剛好 仲有少少脆添🤤.•牛油汁蜆肉自家製蝦米意大利粉🍝•-另外個意大利粉首先最特別既係個粉唔係普通食個種 口感似係自家製既粉✨每一啖都黏住啲醬汁 又好香牛油味 蝦米雖然係個粉到但唔會因醬汁而令到佢唔脆口🌝•鵝肝多士🥪•-仲有個鵝肝多士 我認為呢個係最好食嘅👍🏾鵝肝既分量同多士係啱啱好 唔會太少 鵝肝既油香加上多士既脆相映成趣🤤推!!!飲品就叫左杯芒果椰子梳打 同 鮮果士多啤梨檸檬薄荷梳打👹2杯既味道一啲都冇伏 個人推介芒果椰子 而另一杯好fresh同咪開胃🌈 繼續閱讀
(以上食評乃用戶個人意見 , 並不代表OpenRice之觀點。)
前幾日喺太子食完晚飯兜個圈,先知運動場道、花園街嗰邊原來有咁多餐廳!星期六去旺角行完街,就決定行去太子嗰邊開餐,少人啲,選擇又多啲😉。行下行下就見到有間餐廳好靚咁喎,時間尚早仲有位,就一於試下。餐廳面積都幾細,所以一到晚上七點幾就坐滿人。環境富有藝術風格🎨,掛咗唔少畫,而且用咗人工植物作裝飾,讓人身處花花世界。同時,連餐枱都用上青花瓷磚,好靚。我同朋友各自點咗道主菜同飲品,再加一份小食Share。唔好睇佢個碟細細,其實份量都幾多下,因為裝食物個位置較深👍。白酒忌廉煮青口Mussels in Cream Sauce($98),呢份小食除咗青口外,仲配有沙律菜。白酒忌廉汁真係勁惹味,而且用咗Rosemary所以特別香,我朋友直頭用匙羹刮嚟食🤤。牛油汁蜆肉自家製蝦米意大利粉Clams Butter Sauce with Homemade Dried Shrimp Spaghetti($138),呢碟意粉個造型同想像中唔同,無論隻色定意粉粗幼都好特別😚,面頭仲鋪咗大量櫻花蝦定蝦皮?賣相即刻加分。意粉比較粗身同圓身,食落口感有啲似油麵🙈,爽爽地,幾得意。我哋估呢個意粉可能係餐廳手打,因為無喺其他地方食過,而且我仲聽到廚房好似傳來啲打麵團嘅聲?至於個汁,質感較為杰身,食落都幾鮮味,唔錯;不過食到尾段有些少膩。日本帶子黑松露雜菌意大利飯Scallops and Mushroom Risotto with Black Truffle($145),呢個飯先聲奪人嘅係面頭啲芝士碎,望見已經流哂口水,再者上面仲有兩隻大大粒帶子😍。帶子頗鮮味,夠厚身,應該係刺身級別。意大利飯濕潤度拿捏得好好,味道又夠濃郁。我最欣賞係個飯落咗好多黑松露、菇菇同瓜,感覺好似有啲菜,健康啲🥦。意大利飯食落比意粉更飽肚,啱哂男仔。我同朋友一人叫咗一杯梳打,黑加侖子薄荷熱情果梳打Soda with Black Currant, Mint & Passion Fruit($43)以及粉紅石榴香檸檬梳打Soda with Pink Guava & Bergamot($43)。兩杯都大大杯,不太甜,解渴,唔錯啊。最重要係唔會有好人工嘅水果糖漿味🍎🍊🍋!本身仲諗住試埋呢度嘅甜品,但估唔到已經咁飽了,唯有下次先食啦😆!總括嚟講,依間位於太子嘅藝術風格意式小餐館幾唔錯,食物出品有水準,環境又幾好。價錢就唔算平,建議透過訂枱App Book會有折,抵啲可以食多道菜🍽,有機會都會想再嚟試下!最後,餐廳係撐香港人嘅小店啊💛。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-08
2294 瀏覽
太子其實都有不少離大街較遠,但又高質Cafe - Hami Harmony便是其中一間了。店內以不少精緻的擺設,配上壁畫、花朵作點綴,營造了一個童話世界。下單前,當然要睇睇當日的特別推介啦。玫瑰拿鐵 / 榛子拿鐵 - $38 拿鐵味道細緻幼滑,泡沫輕盈,且甜度適中,非常易入口,為這一餐打開了序幕。白酒忌廉煮青口 - $98白酒配忌廉煮青口果然係無得輸既配搭,滿滿的忌廉汁掛滿在青口上,加入白酒更顯其香味。青口肉質不韌、且無渣,做到一啖一口,沾上醬汁後,絕對會令人食到唔停唔到口!BBQ汁雞翼 - $58BBQ雞翼中醬汁掛滿在雞翼上,咬起來香口又惹味。日本帶子黑松露什菌意大利飯 - $145帶子看起來較細小,但其肉質彈牙、嫩口鮮甜,抵讚。而米飯軟硬程度適中,外軟內韌,配合起黑松露、什菌的味道,吃起來很Creamy,味道更有層次。童話中,跟你享用這溫馨的晚餐多好。😘 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-27
2258 瀏覽
又一間旺角一帶好味舒服既黃店!今日晚上喺太子附近買嘢,於是搵個地方落腳食飯。我哋理大比較多酒吧,但係行過一條街就發現有間好靚嘅餐廳,叫做Hami Harmony, 仲要係黃店嚟㗎,梗係即刻入去食~餐廳環境好多花,仲有啲畫,啲枱面仲有啲瓷磚咁樣,我覺得個環境好靚~真係都幾多選擇,二人餐都好吸引,今次我哋就叫咗個黑松露意大利飯仲有櫻花蝦意大利粉,仲叫咗個忌廉煮青口做前菜,仲有兩杯嘢飲。首先嚟嘅係黑松露醬忌廉意大利飯,勁!好!味!應該係我喺香港試過數一數二咁好味嘅黑松露意大利飯,呢隻味真係未到好立體,所有調味都啱啱好,非常惹味,米粒嘅質地都好啱心水,非常推薦!隻帶子都好大隻,好味!櫻花蝦意大利麵其實佢係餐枱上面叫蝦米意大利麵,因為覺得呢個配搭好特別,於是就叫咗黎試吓。第一下有啲驚訝,因為唔係好似意大利麵,食落都真係唔似,口感比較硬,不過只要你唔當佢係意粉咁樣食嘅話,其實就冇咩問題。呢碟嘅調味都好出色,鹹鹹地有少少胡椒既辣辣地,雖然我鍾意另一碟多啲,但係呢碟都幾惹味~嘢飲都幾驚喜,因為我呢杯朱古力唔係就咁用粉沖出嚟,佢係有寫明係法國嘅朱古力豆,飲落相信係即磨,真係感覺到陣朱古力豆嘅香味,呢款朱古力豆係帶啲酸味嘅,唔似平時飲開嘅朱古力咁樣主要係甜味,味道都幾特別,鍾意食黑朱古力既會鐘意~杯咖啡都幾好味,我平時唔飲咖啡嘅,但係呢杯hazelnut latte飲落好似咖啡糖嘅味,好易入口~個白酒忌廉煮青口都好好味,啲青口好滑好軟身,絕對唔係鞋sapsap果種,個調味都非常出色,有少少嘅酒味吊起個味,食極唔停,好好味!呢餐加埋食左$500左右,又飽又滿足嘅一餐! 繼續閱讀
(以上食評乃用戶個人意見 , 並不代表OpenRice之觀點。)