聯發茶餐廳

營業中

休息中

好耐冇食聯發嘅炒滑蛋，特登嚟食返個常餐。依家疫情底下外賣飯盒買一送一，見到侍應姐姐好忙咁包裝買飯盒，做到無停手。滑蛋蔥花叉燒飯嘅蛋略嫌老咗啲熟得滯，甜豉油成支比你自己囉，鍾意落幾多都得。滑蛋裏面有洋蔥，令到個炒蛋香咗好多，不過都係老得滯。常餐可以揀餐肉、火腿或者五香肉丁，可以配米粉、通粉或者麵。個炒滑蛋冇得輸，顏色好靚，偏橙，炒得好滑好多汁，配上厚多士，厚多士烘得好脆。雖然$58一個茶餐都幾貴，但久唔久食下都OK。