影片
更多
2021-03-11
280 瀏覽
終於都挨過辛苦忙碌既上班日子，比自己休息一下再重新出發。趁住三八婦女節又有藉口慶祝一下轉職。前陣子黎過呢間位於QRE既餐廳lunch 覺得食物質素唔錯，set dinner 都吸引所以再來~ 8 courses set dinner係二人份量先來一客蟹肉龍蝦湯，用料豐富，未嚐先聞其龍蝦香味，入口夾雜大量蟹肉絲在其中，口感挺足，味道濃郁！ Tuna steak以冷盤形式上檯，放下黑壓壓既餐碟之中，粉嫩紅色既吞拿魚肌色澤尤其突出。Chef先以厚切五件再輕輕火炙四邊，頂部添上芒果莎莎醬令到魚肉入口更加清新又滲透著幾分春日果香 焗半殼法國生蠔，凈係賣相都好有睇頭，用上闊大木制餐盆，底層再用大量岩鹽碎粒鋪上一道立體斜線，主角既焗蠔就好優雅咁半卧在其上，成個畫面望落去好match又舒服。焗蠔配上適量菠菜，加入軟滑既芝士焗熟至金黃色，移近咀邊經已瀰漫住一股濃郁既芝士香氣，蠔肉鮮嫩爽脆，當然要連汁帶肉慢慢細味再來一客鵝肝，鵝肝既油香被鉢酒焦糖汁封住，先有濃厚既甜酒香，後繼滑腴肥嫩，滋味迷人。再把溫泉蛋刺開，蛋黃從半凝的蛋白中流出，將鵝肝粒輕沾點蛋黃汁，口感更鮮滑。Seasonal clams 用上托托
前陣子黎過呢間位於QRE既餐廳lunch 覺得食物質素唔錯，set dinner 都吸引所以再來~
8 courses set dinner係二人份量先來一客蟹肉龍蝦湯，用料豐富，未嚐先聞其龍蝦香味，入口夾雜大量蟹肉絲在其中，口感挺足，味道濃郁！
Tuna steak以冷盤形式上檯，放下黑壓壓既餐碟之中，粉嫩紅色既吞拿魚肌色澤尤其突出。
Chef先以厚切五件再輕輕火炙四邊，頂部添上芒果莎莎醬令到魚肉入口更加清新又滲透著幾分春日果香
焗半殼法國生蠔，凈係賣相都好有睇頭，用上闊大木制餐盆，底層再用大量岩鹽碎粒鋪上一道立體斜線，主角既焗蠔就好優雅咁半卧在其上，成個畫面望落去好match又舒服。焗蠔配上適量菠菜，加入軟滑既芝士焗熟至金黃色，移近咀邊經已瀰漫住一股濃郁既芝士香氣，蠔肉鮮嫩爽脆，當然要連汁帶肉慢慢細味
再來一客鵝肝，鵝肝既油香被鉢酒焦糖汁封住，先有濃厚既甜酒香，後繼滑腴肥嫩，滋味迷人。再把溫泉蛋刺開，蛋黃從半凝的蛋白中流出，將鵝肝粒輕沾點蛋黃汁，口感更鮮滑。
Seasonal clams
用上托托蜆，蜆肉較大粒貝柱部分爽彈，味道細嫩鮮甜，個Sauce好滑身仲帶有陣陣薑味，如果有片烘多士更perfect!
原隻波士頓龍蝦，開半邊可以二人同時享用，size都唔細㗎！動手用叉子切入龍蝦身，肉厚之餘兼有彈性夠新鮮，入口細味出啖啖鮮甜，蝦膏尤其清香軟滑，伴隨焗至溶化香濃芝士一齊食，味道倍添濃厚！
45days dry aged Striploin
淡啡外層之下係呈深紫紅色既肉肌，紋理清晰可見，簡簡單單沾些少岩鹽食已經可以嚐到深層蘊藏既肉香。
脂肪位都有睇頭，油份不太強勁反而帶有適度脂香氣息之優點，質感更係軟潤可口。
最後，甜品三選二。
老公揀左伯爵茶朱古力奶凍，個topping不單止有綿滑既cream，仲有一片香蕉果乾可以伴吃，手中既金色小匙將一口茶香朱古力味奶凍送入口中，好滿足！
心太軟雖然唔算太流心，不過內裏既朱古力醬好香濃外層鬆軟～
張貼
