影片
更多
2018-07-16
209 瀏覽
有啲開心事係要慶祝下，今日瀟灑一次，享受即場鐵板表演+高質素日本和牛揀左【和牛龍蝦二人餐】，終於明白 貴有貴的道理！先上【手作前菜】，水菜、蘆筍配wasabi酸汁，沙律菜非常新鮮，酸汁配wasabi，出人意料的特別重點係個【半熟帶子】非常嫩滑，配有魚子，香甜軟糯，個底好似仲有啲特別嗰cream，令帶子更加鮮美第一道係【汁煮星東班】大廚幾鏟就燒好塊魚，煮好啲汁，見證一道美食的誕生好神奇。仲有塊脆炸魚皮，好似揚帆啟航。魚肉十分鮮嫩，火候啱啱好，洋蔥燒得好林，甜甜地，混合魚肉的鮮香，還有脆脆的魚皮，一啲都唔會悶。份量恰到好處，差唔多食完第二道送已ready。第二道係【海膽汁煮龍蝦】好大隻龍蝦呀！海膽汁黃燦燦好吸引。大廚技巧十分嫻熟，好快剝到啲蝦肉出黎。擺盤好精緻，蝦肉上有一朵日本溫室玫瑰，花瓣係可食用架！龍蝦汁+海膽汁極鮮甜，再配合龍蝦肉本身的鮮味，彈牙爽口，好享受。跟住係我最期待的【日本A5和牛】一個字，正！好想叫多份！牛7成熟，外焦裡嫩，靓牛只需小小鹽同胡椒，已經足夠鮮美。牛肉入口即化，啲肥膏混合瘦肉，十分均勻，一啖咬落去，肉汁豐富，好似食唔到牛肉，卻又滿口都是牛肉的香味。真係啖啖肉啖啖
揀左【和牛龍蝦二人餐】，終於明白 貴有貴的道理！
先上【手作前菜】，水菜、蘆筍配wasabi酸汁，沙律菜非常新鮮，酸汁配wasabi，出人意料的特別
手作前菜
11 瀏覽
0 讚好
0 留言
重點係個【半熟帶子】非常嫩滑，配有魚子，香甜軟糯，個底好似仲有啲特別嗰cream，令帶子更加鮮美
前菜-半熟帶子
14 瀏覽
0 讚好
0 留言
第一道係【汁煮星東班】
大廚幾鏟就燒好塊魚，煮好啲汁，見證一道美食的誕生好神奇。仲有塊脆炸魚皮，好似揚帆啟航。魚肉十分鮮嫩，火候啱啱好，洋蔥燒得好林，甜甜地，混合魚肉的鮮香，還有脆脆的魚皮，一啲都唔會悶。
汁煮星東班
12 瀏覽
0 讚好
0 留言
份量恰到好處，差唔多食完第二道送已ready。
第二道係【海膽汁煮龍蝦】
好大隻龍蝦呀！海膽汁黃燦燦好吸引。大廚技巧十分嫻熟，好快剝到啲蝦肉出黎。
擺盤好精緻，蝦肉上有一朵日本溫室玫瑰，花瓣係可食用架！龍蝦汁+海膽汁極鮮甜，再配合龍蝦肉本身的鮮味，彈牙爽口，好享受。
海膽汁煮龍蝦
7 瀏覽
0 讚好
0 留言
跟住係我最期待的【日本A5和牛】
一個字，正！好想叫多份！
牛7成熟，外焦裡嫩，靓牛只需小小鹽同胡椒，已經足夠鮮美。牛肉入口即化，啲肥膏混合瘦肉，十分均勻，一啖咬落去，肉汁豐富，好似食唔到牛肉，卻又滿口都是牛肉的香味。真係啖啖肉啖啖享受！好滿足！
配菜都好有講究，半隻鮮美大啡菇，清香蘆筍擺中間，上面蓋一塊燒得好林好甜嘅南瓜，仲有好似係烘乾的蒜片，再點小小wasabi+喼汁，牛肉口感好似更豐富了。每一個元素都係心思呀！
A5和牛
10 瀏覽
0 讚好
0 留言
好似知道我仲回味緊，跟住就上了【和牛炒飯】炒飯乾身，飯粒同蛋碎均勻混合，加蔥後多清香撲鼻，鐵板炒飯係唔同啲！
和牛炒飯
12 瀏覽
0 讚好
0 留言
【清酒煮蜆】睇得又打得，錫紙折得好靓，應該係加左清酒後，突然開始噴火表演！不過火光好快散，因為個胃等唔切喇！
清酒煮蜆
16 瀏覽
0 讚好
0 留言
啲蜆好大隻，又好甜好滑，唔會黐個殼。海帶唔會太林，啲湯係清甜，有小小好難察覺的酒味，帶出海鮮的自然鮮甜，好快飲晒喇！
甜品有三款可揀，分別係 「柚子雪芭」，「抹茶紅豆布丁」 同「芒果桃酒雪芭」
梗係要揀唔多見的【芒果桃酒雪芭】。芒果味十足，但又唔會掩蓋小小小小桃酒味。雪芭清爽可口唔會滯，呢個餐配搭得好好！
芒果桃酒雪芭
12 瀏覽
0 讚好
0 留言
人生唔多機會瀟灑，有能力有心情時，就要享受當下。
張貼
