十和田總本店

營業中

休息中

「十和田總本店」一直俾我嘅印象，係 peak hour 唔排隊冇可能入座！呢次去到「十和田」，peak hour 竟然有空位隨時入座，令我哋嚇咗一跳！心諗，「十和田」係咪發生咗咩事被食客放棄，差啲選擇唔幫襯。不過，由於實在要遏止日本嘢口癮，還是光顧「十和田」。 今次用餐經驗，一如以往，刺身食材新鮮、份量不吝嗇，叫人吃得滋味；壽司刺身與醋飯比例適中，而醋飯調味易入口；wasabi 和其他拌餐小食，質素並不馬虎。「十和田」仍是尖沙咀的日本料理好去處。「十和田」壽司拼盤性價比似乎高過單點壽司，喺店務員唔太能夠詳細介紹不同壽司拼盤同異情況下，我哋 order 了「超特選壽司拼盤（配湯、蛋）」。一大片鰻魚，吃得好滿足！各樣刺身，新鮮，無異味。由於二人食量唔算大，多次光顧為咗避免叫太多飯類，一直冇試過「十和田」嘅「三色丼」。是晚胃口不錯，終於一試！色彩繽紛，刺身食材，多吸引！刺身食材在飯上，堆成小山丘。翻開盛載海膽的葉片，可見醋飯面有幾片海苔。下次再來！