Pause It (已搬遷) 新店位置

平日晏就，同一行友人行街行到攰，每日拎住大包細包，又汗流浹背，即刻搵左呢間cafe坐下。因為疫情關係，每張枱都要隔住坐，我地等左半個鐘左右先入到去。服務員仲一人俾左一封信封我地裝口罩！果然係要支持對的店！店面白色淺木為主，陽光透過玻璃照入去，好舒服愜意。一個人黎既話坐係窗邊望出去已經很relax，不過有機會同等待既人兩眼相望哈哈。我地點左一杯茶，兩杯啡，一碟小食。朋友點既凍烏龍茶很解渴，我想嘗鮮點既紅絲絨拿鐵，味道就係好立克味，賣相幾特別，下次會試下其他。芝士黑松露薯條好好食！份量又夠，我地三個人share解下饞都夠。