花斑茶社 (和富道) (已結業)

和富中心商場最近翻新，越嚟越多餐廳進駐，今日就嚟食個晏晝，食完行過見到這間台式飲品店花斑茶社。店鋪門面佈置好清新，望下menu幾多款式，決定買兩杯返屋企慢慢歎。揀咗黑糖珍珠可可鮮奶同埋芒果冰茶四季春茶底。可可鮮奶味道濃郁，朱古力味爆燈，珍珠彈牙，叫咗少甜，所以甜度剛剛好。芒果冰茶好清新，芒果味道香甜，茶底四季春清新香濃，茶味慢慢滲出嚟，好解渴，食完飯飲啱曬。呢度店員都幾有禮貌，同埋入面有一個許願牆，可以寫低自己嘅願望，好得意。