影片
更多
2023-12-01
1484 瀏覽
今日同媽咪出尖沙咀，聽朋友介紹有一間幾精緻嘅新派素菜館，媽咪一定鍾意～就帶佢嚟試下啦！一入門口你完全唔會覺得佢係素菜館，同印象中嘅裝潢完全唔同，感覺似西餐廳～🤭🥰店舖內以紫色同白色為主調，感覺優雅舒適～☺️店員非常有禮貌，安排座位後就點菜～媽咪話下晝食得好飽，所以我哋先叫一個套餐，再加少少嘢啦！好彩只係叫一個晚餐，原來份量都非常多，包括兩個前菜小食、一個湯、一個手捲、一個主菜同埋一個甜品。兩個前菜係藜麥野菜松子薯球同鹵水花菇毛豆百葉豆腐～作為開胃菜真係好啱！鹵水豆腐配毛豆十分入味，三扒兩撥就食曬咁濟！🤭😝媽咪揀咗香芒牛油果苜蓿芽手捲，兩塊紫菜非常脆口，一上枱就要即刻享用啦～唔係淋咗就唔好食啦！姬松茸竹笙黃耳百合燉湯非常好飲！！🥰😍因為燉湯湯汁好清，但係姬松茸嘅香氣四溢，好好飲！主菜叫咗羊肚菌蘿蔔黃耳炆素腩配羽衣甘藍菜飯，真係好入味！而且素腩質感好有咬口，羽衣甘藍菜飯都好香！加多一個炒素翅，已經十分滿足！甜品升級咗做「紫脆金迷」，根本上係一杯香芋芭菲～入面除咗香芋雪糕，仲有草莓、金栗、麻薯、奇亞籽同哈密瓜粒，配埋雪糕忌廉仲有兩塊脆片，媽咪話食得好開心！🥰🥰👍🏻💝
好彩只係叫一個晚餐，原來份量都非常多，包括兩個前菜小食、一個湯、一個手捲、一個主菜同埋一個甜品。
兩個前菜係藜麥野菜松子薯球同鹵水花菇毛豆百葉豆腐～作為開胃菜真係好啱！鹵水豆腐配毛豆十分入味，三扒兩撥就食曬咁濟！🤭😝
38 瀏覽
0 讚好
0 留言
媽咪揀咗香芒牛油果苜蓿芽手捲，兩塊紫菜非常脆口，一上枱就要即刻享用啦～唔係淋咗就唔好食啦！
姬松茸竹笙黃耳百合燉湯非常好飲！！🥰😍因為燉湯湯汁好清，但係姬松茸嘅香氣四溢，好好飲！
30 瀏覽
0 讚好
0 留言
主菜叫咗羊肚菌蘿蔔黃耳炆素腩配羽衣甘藍菜飯，真係好入味！而且素腩質感好有咬口，羽衣甘藍菜飯都好香！加多一個炒素翅，已經十分滿足！
23 瀏覽
1 讚好
0 留言
17 瀏覽
0 讚好
0 留言
甜品升級咗做「紫脆金迷」，根本上係一杯香芋芭菲～入面除咗香芋雪糕，仲有草莓、金栗、麻薯、奇亞籽同哈密瓜粒，配埋雪糕忌廉仲有兩塊脆片，媽咪話食得好開心！🥰🥰👍🏻💝
紫脆金迷
$78
14 瀏覽
0 讚好
0 留言
張貼
