影片
更多
2022-02-02
759 瀏覽
💎總評分：9.0/10-留意到呢間cafe全因為佢個名 - 不苦。聽聞老闆希望香港人🇭🇰可以喺疫情同社會問題嘅影響下，仍然可以得到放鬆嘅時間，可以好好享受身邊嘅事與物💛。小店位置喺大南街同楓樹街交界，門口有通花鐵閘裝飾，室內係日式木系設計，簡約舒服，座位算多，寧靜有空間感，見幾位客人用電腦做緊野，室外都有兩張細枱，可以帶狗狗嚟嫁🐶! 1️⃣ 不苦定食 $128 日式定食竟然有泰式蝦餅，不過唔係伏，味道OK有咬口👌🏻。唐揚炸雞份量好足🐓，每件都大大舊，juicy嫩滑，糖心蛋都合格🥚，蛋黃做到完全流心而且好入味。定食仲包括salad🥙同一大碗珍珠米，除非好大食，否則都會夠飽。· 2️⃣ 素食全日早餐 $88餐廳時不時會轉menu，可能係咁同網上睇到嘅相會有D出入🙈。小編睇左其他食評之後，以為呢個all day breakfast會有薯條，同時menu另外有Scrambled egg and avocado on sourdough $68，言下呢個All day breakfast應該多過淨係得蛋菜包😅，點知原來係俾多隻菇🍄...有少許expectation gap，建議餐廳可以喺menu上li
-
留意到呢間cafe全因為佢個名 - 不苦。聽聞老闆希望香港人🇭🇰可以喺疫情同社會問題嘅影響下，仍然可以得到放鬆嘅時間，可以好好享受身邊嘅事與物💛。小店位置喺大南街同楓樹街交界，門口有通花鐵閘裝飾，室內係日式木系設計，簡約舒服，座位算多，寧靜有空間感，見幾位客人用電腦做緊野，室外都有兩張細枱，可以帶狗狗嚟嫁🐶!
1️⃣ 不苦定食 $128
日式定食竟然有泰式蝦餅，不過唔係伏，味道OK有咬口👌🏻。唐揚炸雞份量好足🐓，每件都大大舊，juicy嫩滑，糖心蛋都合格🥚，蛋黃做到完全流心而且好入味。定食仲包括salad🥙同一大碗珍珠米，除非好大食，否則都會夠飽。·
不苦定食
$128
38 瀏覽
0 讚好
0 留言
2️⃣ 素食全日早餐 $88
餐廳時不時會轉menu，可能係咁同網上睇到嘅相會有D出入🙈。小編睇左其他食評之後，以為呢個all day breakfast會有薯條，同時menu另外有Scrambled egg and avocado on sourdough $68，言下呢個All day breakfast應該多過淨係得蛋菜包😅，點知原來係俾多隻菇🍄...有少許expectation gap，建議餐廳可以喺menu上list反ADB入面D咩🤭。蛋炒得還可以，沙律菜只要新鮮就實OK，但性價比不高👎🏻，如果唔係vegetarian可以叫反full all day breakfast可能會好D，或者好似小編咁對scrambled egg情有獨鐘嘅話就索性叫個sourdough算😐。
3️⃣ 雙色薯條 $58
發現ADB無薯條後就追加左一個小食🍟，薯條正常發揮，但蕃薯條顏色較淺，所以雙色效果唔夠突出，蕃薯味唔夠甜，但若非對蕃薯好有執著，當普通薯條咁都不過不失👌🏻。
不苦定食
$128
39 瀏覽
0 讚好
0 留言
4️⃣ Creme Caramel $45
小店有自家製甜品，今次㨂左布甸，賣相有點簡陋，不過味道有驚喜🤩，口感細滑足滿蛋香，淋上面頭一層焦糖醬，配搭完美👏🏻。
Creme Caramel
$45
6 瀏覽
0 讚好
0 留言
5️⃣ Cappuccino $42
店內有賣自家品牌咖啡豆，感覺上好pro，就叫左杯nutty嘅cuppucino☕，咖啡味香濃之餘又有奶香，對咖啡有研究嘅朋友可以嚟試下💪🏻！
總括嚟講，小店食物質素唔錯，main dish倘有改善空間，勝在環境舒服，可以坐耐少少，唔洗怕俾人趕走，如果想揾個地方同朋友傾吓計，或者係想一個人飲杯野做下野，尤其係以家多左WFH，小店喺呢一帶算係個好選擇。
-
環境服務：⭐⭐⭐⭐
食物質數：⭐⭐⭐⭐⭐
打卡指數：⭐⭐⭐
題外話/補充資料：
🚗 斜對面街就有咪錶，横街亦可以泊下，地舖E好處就係可以望到條街，十分方便。
(以上食評乃用戶個人意見 , 並不代表OpenRice之觀點。)
張貼
