麵屋黑岩

營業中

休息中

今次來到較少踏足的深水埗開餐，麵屋黑岩，就在熱鬧的長沙灣道上，大大個紅色燈籠掛在門口，十分容易認。店內座位頗寬敞。基本湯底有四款，原味、辛辣、黑蒜和海老，還有期間限定的湯底。火炙叉燒海老拉麵　$78賣相吸引，叉燒可以揀厚切叉燒和火炙叉燒，火炙叉燒唔係咁多地方有，當然要試下。大大片的火炙叉燒都幾肥美，油香四溢，入口即溶。麵條屬幼麵，落單時有3個硬度可選，我揀咗普通硬度，食落偏硬和爽口。麵量適中。湯底混入炒香的櫻花蝦。櫻花蝦獨特的香氣非常吸引，唯湯底的確偏鹹。配菜選擇不多，今次揀咗溏心蛋。火炙叉燒黑蒜拉麵 $78朋友同樣揀咗火炙叉燒，仲邊食邊讚呢款叉燒比普通的日式叉燒更出色。試一啖黑蒜湯底，味道無海老咁濃，黑蒜味唔算太出，反而配料中的炸蒜和蔥花更香。店員推介薯片雞翼($26)，炸漿加入薯片，熱辣辣脆卜卜，可惜炸皮比較厚，鹹度很高。