今日同朋友嚟到文化中心，睇完展覽見到呢間裝潢簡潔得嚟好有style嘅牧羊少年，決定入去試一試！ 酥脆魷魚圈 配 辣根時蘿蛋黃醬 ($98) 呢道小食，一嚟到就知道無叫錯。魷魚圈金黃鬆脆， 調味適中，同特製蛋黃醬一拍即合。 海膽黑魚子醬蟹肉貓耳朵粉($188) 貓耳朵粉軟硬程度恰到好處，海膽黑魚子醬味道相當濃郁，海膽紋理分明，夠曬新鮮，啖啖滋味！ 烤蘋果批 配 雲尼拿雪糕($98) 看似簡單嘅一道甜品，擺盤都相當認真，蘋果批即烤即上，配上冰凍雪糕，一冷一熱口感極佳。

太古城呢間出曬名嘅海南雞飯-chatterbox express 已經唔係第一次食。除咗海南雞之外，呢度嘅星洲炒貴刁都係我的最愛之一！ 星洲炒貴刁$108, 上檯熱度十足，貴刁口感豐點彈性唔黏口。炒貴加入海鮮、 臘腸等配料相當有風味。 配一杯冰凍嘅美美祿恐龍就最夾！ 小食同甜品同樣出色！炸素春卷＄32，脆度十足！ 牛肉沙嗲串燒 ＄68，牛肉帶點焦香，肉質腍滑。甜品必點椰子雪糕咖央三文治＄32，烘熱嘅餐包非常軟熟夾起椰子雪糕，啖啖滋味。

今日鰂魚涌嘅朋友帶我嚟到呢間高質潮州菜 － 陳儀興。餐廳內部舒適寬敞，侍應仲相當熱情，為我地介紹各款招牌菜。坐低先細味呢度嘅功夫茶，茶味香醇，入口回甘。 汕頭煎蠔烙＄128，蠔烙上檯熱辣辣，煎得金黃鬆脆，蠔肉鮮味十足。普寧豆醬煮海魚＄148 ，呢條沙錐外層煎香， 內裏肉嫩，加上普寧豆醬夠曬地道。 胡椒鹹菜鮮豬肚湯＄78，胡椒味重，鮮豬肚有彈性得嚟唔會太韌，口感極佳。乾貝春菜煲＄128，春菜脆綠嫩口，加上乾瑤柱鮮味提升。

收工同朋友嚟到北角呢間日本料理－三代目。 鐘意呢度坐位夠寬敞，好適合同朋友坐低傾下計。食物選擇亦豐富，今日我地兩個人就一人叫左個麵再加燒魚，天婦羅等等。 辛燒豚梅肉拉麵 ＄98 拉麵麵質彈牙，湯底帶點辛辣刺激味蕾，豚梅肉柔軟順滑，一啖湯一啖麵，正呀。 豚肉醬油魚介拌麵＄92 麵底加上多款爽口配菜、香蔥、櫻花香等，味道充滿層次，拌起生蛋黃同魚介醬汁更添滋味。 燒喜之次＄108 魚肉帶點燒起帶點焦香，鹹加點檸汁鮮味提升。 燒一口牛＄38 牛肉非常腍滑，肉味仲好香濃。 海之天婦羅(蝦, 鯛魚, 黑松露帶子, 墨魚, 紫蘇葉)＄118 天婦羅質素令人喜出望外，炸皮薄得嚟夠脆，質感輕巧唔油膩。最出色係黑松露帶子，外脆內嫩。

趁假日嚟到山頂行下，被呢間靚靚餐廳 - PHI coffee and pancake 嘅梳乎厘吸引住！ Phi with GODIVA chocolate souffle $128 嚟到呢度必點梳乎厘，揀咗呢個朱古力味，配料有雪糕、cream、godiva朱古力、brownie、朱古力醬、朱古力碎，豐富程度令人驚喜。梳乎厘更係鬆軟無比，入口即溶。 Cheese beef and fried egg sandwich with avocado sauce$82 多士煎得又香又脆，內裡夾著半溶芝士同鹹香牛肉碎，相當惹味。香滑牛油果蓉帶點檸檬果酸味，夠曬開胃。 Slow cooked beef cheek lasagna $98 闊條麵軟硬程度恰到好處，口感極佳，牛頰肉肉質淋滑細緻，醬汁量亦剛剛好，係一道相當高質嘅闊條麵。 GODIVA Chocolate Wine Coffee $58 香濃朱古力咖啡，帶點酒香，酒精味又唔會過重，微甜。 Matcha Latte $42 純香抹茶味加上細緻奶泡，口感細滑如絲。

今晚想食海南雞飯，朋友即刻推薦我嚟呢間位於尖沙咀K11 musea 嘅chatterbox cafe。 嚟到必點文華海南雞飯 ($133)，海南雞香滑無比，肉質細緻，全部起曬骨！米飯軟硬適中充滿油香，令人一口接一口完全停不了。 星洲海南炸豬扒配香飯($113)，豬扒裹上一層薄薄炸皮，脆度十足，一口咬下，內層豬肉仍然保留肉汁。配上特色醬汁，酸酸甜甜好開胃。 香脆腐皮卷 ($88)，看似簡單嘅腐皮炸得酥香可口，十分惹味。美祿恐龍($48)，甜度唔會太過分，大人細路都啱飲。

今日嚟到寶琳，同朋友去左新都城中心嘅夏麵館。我最愛呢度嘅擔擔麵，而朋友就想食獅子頭，正好揀到呢個砂鍋獅子頭麵 $72 可以+$10轉擔擔麵底。麵條有彈性，擔擔麵醬香濃掛麵，少少辣好惹味，成個砂鍋份量之大，係一個女仔一定食唔曬。 炸銀絲卷(跟煉奶)$28 外皮薄脆，加上香甜煉奶，係簡樸嘅美食。 賽螃蟹$80 雪白嘅蛋白滑一滑，加點醋食鮮味提升。 紅油炒手(6粒)$40 炒手好大粒，紅油唔會太辣仲帶點甜味。 豆沙鍋餅(全份) $38 豆沙餡細滑唔太甜，早起 夠熱度。加埋每位茶位$10，埋單都係$300左右，相當抵食！

行人街同朋友嚟到銅鑼灣京都廣場4樓嘅Stella Cafe，入到嚟見到戶外嘅滿天星閃閃燈，感覺都幾浪漫。今晚我同朋友一人叫左一個Main couse。 香煎三文魚柳配黑松露飯及忌廉蕃茄濃汁$178 三文魚柳煎得夠香夠脆，加點檸檬汁更加提起鮮味，配黑松露飯有有濃厚香氣，飯粒軟硬適中。 香煎加拿大豬鞍扒配焦糖蘋果沙律及黑松露汁$188 厚切豬鞍扒肉質紮實得嚟唔會硬，口感好 肉味濃，調味重恰到好處，配上甜甜酸酸嘅焦糖蘋果清新解膩，沙律份量好仲足添。

朋友話北角有間宮廷式火鍋店好正，今晚一於嚟試一試。點個麻油藥膳雞鍋$268，藥材足料，雞肉滑一滑，相當嫩口。 伊比利亞橡果豬$180，一片片油潤亮麗，淥過之後爽滑美味，好食程度絕對不亞於肥牛。脆肉鯇魚$138 脆肉鯇爽脆鮮味，沾少少豉油鮮味更加提升。 黃金雙拼秘製鹹蛋黃醬$88份量超多，兩個人差D食唔曬，魚皮脆卜卜，響鈴高質無油膱味，包裹上一層秘製鹹蛋黃醬，鹹香滋味。飲品點咗一渣羅漢果菊花茶$68，清新解膩。

再次嚟到呢度間位於灣仔嘅露面，佢地嘅口水雞滑不溜口，麻辣程度唔會太over，好岩我口味。我同朋友都忍唔住 連雞皮都食埋。 $82套餐包一碗滷肉飯，滷肉同香菇切到差唔多大細，珍珠飯粒粒飽滿，一匙飯連同醬汁、滷肉、香菇，啖啖滋味。 秘製香槽醉豬手$55 厚厚豬皮同紮實嘅肉質盡吸香槽韻味，食落口感十足之餘仲齒頰留香。 七彩雞絲拌麵 胡麻醬$55 7色配菜賣相夠曬吸引，胡麻醬份量充足，拌起嚟食清新爽口。 老壇酸菜湯小雲吞十隻$42 小雲吞嘅皮好高質，入口非常順滑，配埋酸菜湯十分醒胃。