緣屋 札幌元袓蝦湯拉麵 (信德中心)

營業中

休息中

今日同朋友喺澳門玩完返嚟，搭完船見有啲口乾，就想食啲濕濕地嘅嘢，經過見到呢間拉麵店，就入左去食。餐廳嘅裝修都幾特別，天花板更有一隻蝦嘅圖案，用嚟突顯餐廳招牌嘅海老湯底。我同朋友都叫咗味增叉燒蝦濃湯拉麵，因為見佢既海老風味指數係最高嗰個。另外我地亦都加多咗個煎蝦餃子做小食。等左大約5分鐘左右，味增叉燒蝦濃湯拉麵就黎到了。拉麵份量都幾大，擺盤精美，望落見到有櫻花蝦、糖心蛋同埋叉燒等嘅食物。湯底閒落十分香，陣陣海老風味撲鼻而來。先飲咗一啖湯底，先來己有濃烈嘅味增味，然後海老嘅風味就漸漸透出來。緣屋拉麵係黎自札幌既拉面店，所以麵質亦自然比較粗身，有咬口。叉燒方面有5片叉燒，每塊叉燒都肥瘦均勻，十分入味，而且唔會太薄，好正！個人好鐘意佢既櫻花蝦，食面既時候增加左口感，帶出另一翻風味。煎蝦餃子亦都幾好食，皮很薄，入面有肉汁，面頭亦有櫻花蝦，增強左口感。整體黎講，呢餐我同我朋友都覺得十分好吃。