To-Gather Cafe (已結業)

呢間旺角樓上cafe，睇落地方唔大，但每個卡位闊落，坐得舒服又有得玩下board game，都幾有家的感覺。如果叫派對套餐，餐廳仲會因為人數安排返相應食物份量，相當貼心。由於當日同行一共有5個人，所以我地都傾向揀派對套餐，可以開心share食物。「Party A套餐」-沙律：田園沙律（日式芝麻醬）沙律清爽新鮮，撈埋芝麻醬好正，沙律有栗米粒、蕃茄仔，配料算豐富。-小食：美式脆薯角好熱氣又好邪惡呀，炸到好熱辣辣，咬落香脆富薯香。-小食拼盤（素春卷、日式餃子、鹽酥雞、咖喱角）春卷同咖喱角嘅味道都不錯，咖喱角辣度再加強會更治味。好欣賞日式餃子嘅醬汁，酸甜開胃，仲有紫菜絲同木魚絲，好有日本風味。鹽酥雞都醃得入味，稍嫌雞件太細塊。-主菜：白汁雞皇飯、煙鴨胸意粉白汁雞皇飯口感稍嫌膩咗少少，但整體味道都不錯。煙鴨胸意粉味道正常，唔算驚喜或有過人之處。-飲品：芒亨（芒果蜂蜜）、荔枝紅茶最特別係飲品「芒亨」，有芒果果香之餘又帶點蜜味，甜潤吸引。個人覺得荔枝紅茶幾清甜，不過有朋友覺得太甜。