Cambo ขุนทอง (The ONE)

好耐無食呢間泰菜，好味又性價比高，今期推出左青咖哩軟殼蟹，起初都怕浸到唔脆，點知見人地上菜時，係分開上，即入去食。不過都幾多人，要排一陣，我地大約等15分鐘就可以入座。炸蝦餅 $68有四塊，即點即炸好夠熱辣辣。外皮炸得酥脆香口，蝦餅很厚身食落啖啖肉，十分彈牙多肉汁，沾酸甜醬更滋味。主角泰式青咖哩軟殼蟹 配法包 $96，幾乎每枱都點呢個青咖哩，一來新品，二來用火熱住可慢慢食都唔怕變凍。青咖哩香中帶微微辣，食出有香料味但唔太重，加了椰奶味道比較溫和易接受，配法包/飯都超正。貼心安排的另上軟殼蟹。法包份量都算多，切成4份烘得又脆又夠熱。軟殼蟹炸的鬆脆，同時更能吸咖哩汁，蟹肉飽滿，味道好好。法包亦係沾咖哩汁會食唔停口，很香很惹味。另外我地點多入印式薄餅 $25，只有一塊份量較少。雖然都係配咖哩食，而且味道口感更夾，但薄餅再酥香再油潤更好。泰式炒椰菜苗 $66，非常有泰菜風味，辣度剛好有鑊氣，椰菜苗好爽口，份量多性價比高。香芒糯米飯 $55，亦係抵食又好味，芒果超大又甜又多汁，仲有果香。椰漿糯米飯好香軟綿糯，紫米較有咬口更煙韌。兩款我都喜歡，配芒果亦很美味。