Cambo ขุนทอง (The ONE)

613
118
78
港鐵尖沙咀/尖東站 B1/ N5 出口 繼續閱讀
所有分店 (4)
電話號碼
27186022
開飯介紹
以金寶最受歡迎的菜式做餐牌骨幹,再加入多款泰越地道美食,裝修具時代氣息,構成一間泰越輕食連鎖店。 繼續閱讀
營業時間
今日營業
11:45 - 23:30
星期一至日
11:45 - 23:30
付款方式
Visa Master AlipayHK 支付寶 現金 銀聯
座位數目
94
其他資料
網上訂座
酒精飲品
自帶酒水 詳細介紹
泊車
電話訂座
賞訂座積分
加一服務費
當面支付
有關餐廳
餐廳位置
座落於地標商場內,開放式餐廳與商場相連,地點位置相當方便。餐廳室內色調及佈置走悠閒舒適路線,近窗位置可眺望尖沙咀鬧市景致,與餐廳內散發休閒氣息相映成趣。菜單上包括了大廚自創的新派菜式以及傳統美食,價格不單親民且性價比高。

招牌菜新派傳統兼備
兩款創新招牌菜,帶來清新嚐鮮體驗。泰式青咖喱軟殼蟹鍋,炸得酥脆惹味的軟殼蟹,蘸點青咖喱,微辣香氣,清新怡人。泰式明爐大蜆鍋,蜆肉厚彈牙,鮮甜味美,酸辣泰式湯汁令人開胃。至於傳統菜式,當然有泰式生蝦,而泰式燒烤亦屬推介。
有關獎賞計劃
食評 (911)
等級4 2020-07-14
1184 瀏覽
受疫情影響,冇得去泰國,就唯有留喺香港食泰國菜思鄉一下。上次同男朋友食完,今日同🐢🍯去咗尖沙咀嘅金寶,尋找泰國嘅味道。尖沙咀呢間分店嘅裝修都幾別緻,而且菜式都好多,基本上泰國會食到嘅菜式,呢度都有,比較齊全。我哋叫咗幾個菜,第一個係泰式明爐大蜆鍋,蜆肉好新鮮,而且全部大大粒脹卜卜,加埋佢個酸辣辣嘅湯底,非常之入味。小小嘅一鍋,湯底材料非常之足夠,夠晒濃味。然後我哋又叫咗一個豬手豬脾煲,兩者都汶到好腍,豬皮下面有豐富嘅膠質,入口即溶既感覺,而且啖啖肉,完全滿足晒作為食肉獸既慾望。主食方面,我哋就叫咗最常見嘅泰式炒金邊粉。唔同嘅係,佢哋啲蝦全部係大大粒既海蝦,挑晒腸,而且好新鮮彈牙。佢哋嘅金邊粉炒得好香好入味,可能係因為佢哋啲汁落重料,所以每一啖都唔會有白灼金邊粉嘅感覺,而係每一啖都充滿甜辣味,而金邊粉加埋花生碎嘅組合,真係冇得頂!最後一道菜,係泰式炒椰菜苖,佢哋嘅原材料雖然已經長大左變咗椰菜仔,但係都不失滋味,非常香甜。最後加埋一杯青檸梳打,總算暫時可以暫時止一止我既泰國癮了。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-09
883 瀏覽
今日同好耐冇見嘅朋友相約喺尖沙咀The One食飯,行咗一個圈大家都係想食泰國嘢,好耐之前都食過一次,覺得呢間泰國嘢都係中高檔路線,幾適合朋友坐低傾偈,所以就揀咗佢。Menu選擇都好多,但係對比起餐廳嘅裝修,呢間餐廳相對之下係一啲都唔貴。我哋叫咗幾款比較常見嘅泰菜,第一味就係飛天通菜,呢度嘅味道都同泰國幾相似,但係就略嫌有啲細碟。食落都幾辣嘅嘢未,如果唔食得辣嘅朋友可能就要揀食蒜蓉炒通菜。主食我哋叫咗一個泰式牛炒飯,都幾接近泰國嘅風味。入面加入左野味嘅牛肉粒,個飯嘅份量比我哋想像中多,每個人都食到三細碗。之後就到今晚最推介嘅冬陰功湯,首先佢係連埋爐一齊上,已經係非常值得讚賞。一上枱就見到湯入面放咗兩隻大蝦,係真係大頭蝦嗰一種。係一碗80幾蚊嘅湯入面,真係值回票價。湯頭非常濃厚,同泰國當地煲出嚟嘅有九成似。大蝦亦都有膏,加落個冬陰功湯度飲好好味。之後我哋叫咗一份炭燒豬頸肉,豬頸肉燒得啱啱好,入面仲有肉汁同油脂。不過略嫌不足嘅係佢伴碟既汁係普通泰式辣醬,如果係魚露辣汁就會非常好食。飲品叫咗珍多冰,都係經典泰式飲品。都似泰國味道。重點係買單兩個人先至係$300多少少,呢個價錢就算喺九龍城食都食唔到啲乜嘢,但係呢間餐廳係商場入面,又坐得舒服,所以推介俾大家。 繼續閱讀
(以上食評乃用戶個人意見 , 並不代表OpenRice之觀點。)
餐廳:Cambo ขุนทอง (尖沙咀)地址:尖沙咀彌敦道100號The ONE 4樓L403舖前排係The One 4樓飲野果陣見到呢間Cambo主打泰國菜好似唔錯😋,上網都見到唔少人比好評,就決定搵次黎試下原來餐廳做堂食之後亦有專做到會派對嘅野食,岩哂想係屋企食又唔想自己煮飯嘅人😎,尤其疫情仲未真係控制好多人都唔想出咁多街,而且食物選擇都幾多架叫左兩個套餐,分別係大蝦菠蘿焗飯($85)同泰式豬頸肉濕炒河($69),另外送上冬瓜湯。菠蘿焗飯充滿啖啖菠蘿香🍍,亦有唔少配料好似菠蘿粒、炒蛋、蔬菜粒同火腿等,面頭仲有三隻大蝦同肉鬆,一個飯兩個人食都差唔多😂;豬頸肉濕炒河香濃惹味,茨汁令本身好dry嘅河粉變得易入口👍🏼,仲配上大量嘅蔬菜同豬頸肉片,$69都幾抵食串燒雞牛豬($89/半打)串燒一直係我嘅至愛🐖🐂🦃,呢到嘅串燒烤得岩岩好🔥,有少少脆邊同時香料嘅份量適中,唔會蓋過左本身嘅肉香,我最鍾意就係佢地嘅豬肉,肉質香口入味,肉唔會好韌,最重要係熱辣辣,咁食先夠過癮椰汁紅豆冰(跟餐+$8)椰奶味重🥥,叫左少冰唔會因為太多冰而慢慢整到杯紅豆冰變淡🧊,紅豆細粒得黎又夠甜,為今餐泰式風味畫上一個好嘅句號 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-02
2045 瀏覽
邊個話食泰菜一定要去九龍城㗎‼️等我吳師奶呢個泰菜粉絲帶大家去尖沙咀食好西😎呢間係The one既泰菜餐廳成日要排隊🙁如果大家想食,記住訂枱先呀‼️‼️🔹泰式酸辣鳳爪$62 :我諗大部份人都會叫酸辣鳳爪但又怕太酸或太辣🤭如果係咁的話咁呢間一定啱晒大家😎我覺得佢做得幾好👍🏻酸同辣都平衡到不過份量真係會少左d🔹泰式青咖哩軟殼蟹鍋配法包$113 :食泰菜又點少得青咖哩呀☺️青咖哩一上枱果陣勁香😌食落唔會太辣,仲帶有少少椰香味青咖哩入面會有茄子🍆等蔬菜d蔬菜索晒d青咖哩汁🤩勁正同埋佢會有一個爐一直燒住,保持溫度👍🏻而軟殼蟹就會另上,咁就唔怕浸到淋晒🥰除左軟殼蟹之外,法包都係重點法包沾住青咖哩汁一齊食🤤最高享受😂🔹泰式炸蝦餅$68 :呢個又係必食👍🏻炸蝦餅夠晒厚,咬落係超彈牙🥰雖然係炸,但一d都唔油膩炸粉亦都唔厚🤩食完會再想叫多轉🤣🔹炒芥蘭$62 :有幾種唔同炒法,任君選擇😎泰式炒🌶、蒜蓉炒🧄、咸魚炒🐟同埋清炒我地鍾意食辣,所以就揀左泰式炒🌶辣度啱啱好👍🏻亦唔會過咸同好油但就份量少d,2個人食都仲可以😐🔹菠蘿焗飯$96 :第一次叫菠蘿焗飯🍍面頭有3隻大蝦,同埋一大堆肉鬆🤩一上枱就勁吸睛👀個飯整體都有齊基本配料菠蘿、青豆、火腿粒、粟米粒、甘荀粒同埋腸仔粒😮每一啖都必定食到配料🥰不過,佢未算係我食過既最好味菠蘿炒飯😂但都不過不失👍🏻🔹活蝦刺身$99 :呢個一定要食‼️‼️佢d蝦隻隻都好大隻😍而且肉質真係好爽口彈牙🤤次次食都一樣咁新鮮👍🏻再加埋醬汁,真係夠晒醒胃次次都要叫夠2碟先夠喉🤣🔹三色冰$28 :正常水平椰汁味夠香濃👍🏻我鍾意佢唔會太甜🥰味道:5/5環境:4/5服務:4/5抵食:4/5 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-20
0 瀏覽
哇, 疫情一好番少少, CAMBO  ขุนทอง又排哂長龍啦!! 事實上我都好掛住依度既THAI FOOD, 今日特登避開人流, 6點鐘就入座食晚餐, 諗住實冇人夠我早啦, 點知都係滿左半場啦, 下次要正常DINNER TIME黎食都真係要BOOK定位呀!活蝦刺身 $99 第一次係度食生蝦, 因為前兩次都太遲入座, 已經賣哂! 今次仲唔比我食到?! 7隻生蝦開邊, 大隻又厚肉, 亦清潔得好乾淨, 一DD腸都冇, 只有蝦肉既剔透~~ 口感又爽又彈牙, 加上大隻同肉厚所以好有口感, 有蝦既鮮甜, 蝦KEEP到凍但又唔會出水攪到水汪汪, 非常新鮮! 夾住生蝦汁同蒜等配料, 好食到不得了, 一個人一碟都絕不過份囉!泰式青咖哩軟殼蟹鍋配法包 $96食過好多青咖哩, 依度既係心目中頭3甲! 而家仲做緊PROMO, 100蚊都唔洗, 有青咖哩鍋 + 軟殼蟹 + 法包! 青咖哩椰香味超突出, 微辣, 中意佢咖哩汁唔會稀, 食到稀咖哩會好唔開心架麻! 依個就夠哂濃郁啦, 入面仲有茄子同瓜, 都索哂咖哩汁, 仲要用明爐煲住, KEEP住滾熱辣, 大加分呀! 軟殼蟹另上, KEEP住脆卜卜, 仲有底部既薯仔, 煎香左帶有牛油香氣, 好食到一舊都冇剩。加埋法包浸青咖哩食, 唔浪費兼超滿足! 好抵食!泰式炒飯 (豬) $72整多個炒飯! 泰式炒飯炒得香口惹味, 飯粒粒分明, 仲有豆角粒粒增加口感~龍眼冰 $28超多龍眼好足料!椰汁紅豆冰 $28椰汁紅豆好香甜! 繼續閱讀
(以上食評乃用戶個人意見 , 並不代表OpenRice之觀點。)