YOLO

營業中

休息中

今日同老公嚟將軍澳食飯，裝修環境係幾清新嘅Cafe～ 呢間新都城嘅泰式餐廳有個睇落幾抵食嘅二人餐，二百幾蚊，份量都幾大碟，而且上菜速度非常快，多到放滿左張枱～ 大頭蝦冬蔭功湯好正宗的冬陰功嘅酸辣味，好開胃～ 裏面材料都幾豐富，有大頭蝦、洋蔥、香菇～泰式燒烤拼盤(細）拼盤豐富，包括咸蛋黃單骨雞翼4件、雞肉 1串、豬肉1串、蕃茄、泰式酸辣肉腸、泰式沙律～ 雞翼炸得幾香脆，有少少鹹蛋黃味～ 泰式酸辣肉腸幾特別，口感有啲似扎肉，酸酸辣辣幾開胃～ 泰香馬沙文咖喱雞馬沙文咖哩係其中一款泰式咖喱，味道較香甜，完全唔辣～ 配埋白飯或印度薄餅都好夾～馬拉盞炒通菜通菜份量都幾多～ 加入馬拉盞，蝦米，香蒜，辣椒等等配料好香好惹味，熱辣辣好有鑊氣～ 泰式奶茶/ 泰式奶綠賣相幾吸引上面打咗層奶泡～ 泰式奶茶奶味比較重，係傳統泰式飲品風味～ 個人比較鍾意泰式奶綠，綠茶味好香～+$20 炸蝦春卷春卷炸得好香脆，裏面真係有原隻蝦喺度～ +$20 泰式燒豬頸肉好抵食好大碟～ 豬頸肉唔會好肥膩，肉質爽脆，配上泰式酸辣汁幾惹味～