芳華絕代 (已結業)

最近喺ig見到有朋友去食泰國嘢，睇相覺得啲嘢食好正，打聽之後發現原來係呢間芳華絕代。餐廳位於太子，地鐵站行過去約5分鐘，交通尚算方便，我哋6點左右去到，餐廳客人都唔算超多，加上佢樓高兩層，所以唔洗等就有入，但食到7點左右就陸續多人，如果7點之後食建議book咗位先。餐廳門口擺放左一啲打卡道具同轉盤，相信係比客人打卡同玩遊戲，啱晒一大班人嚟聚會嘅時候用。我哋叫咗一份雞肉串燒，小食拼盤(炸蝦餅 春卷丸 蔬菜春卷 單骨雞翼)，豬肉碎生菜包，泰式鮮蝦炒金邊粉同蛋醬黃咖喱醬炒酥脆軟殼蟹香酥餅，啲食物全部都好好味，完全無可挑剔👍🏻👍🏻絕對會再返去食！最後，我們2個人埋單都只係5百蚊左右，以咁咁嘅味道嚟講係值嘅！