小火山

係香港嘅泰國餐廳真係間間都咁熱鬧，個種熱鬧嘅氣氛真係會感染。咁岩出灣仔附近食完野上openrice搵野食，見到呢晶有得食泰國豬嘅火鍋＋烤肉，可以一鍋兩用嘅餐廳勁方便。餐廳個環境係充滿住好多木色同亞熱風嘅裝飾，夜晚仲要有busking聽住歌食野，勁熱鬧。任食蝦片+醬料費 ($28/人)蝦片勁大塊勁脆，有得任食唔洗驚食完無得食。個火鍋醬料無青辣椒加d酸辣，幾開胃既。小火山牛骨船湯 & 香茅椰汁雞湯 兩款湯底都勁泰式，兩款都偏濃味但又唔鹹。牛骨船湯有少少類似沙嗲嘅風味香氣，香茅椰汁雞湯勁香香茅味道，飲落清香濃郁，愈煮會愈杰身，椰汁個種濃厚感會包住晒成塊肉片好好食。外呢個鍋勁方便，一個鍋兩個湯底仲要可以烤肉，方便晒我呢d又想燒又想邊爐嘅人。泰式芭拉魚露大蝦拌木瓜沙律 ($78)沙律好大碟木瓜絲，幾爽身。個味道我覺得偏辣既。仲有幾隻大蝦一齊伴住食，開胃既。小火山x曼谷柏拉差燒烤套餐 ($328)個套餐有幾樣野，泰國無激素豬肉，鮮豬潤，柏拉差醃牛柳，另外包埋個原隻鮮魷魚，成個套餐都幾大碟幾豐富。泰國豬肉原來幾好食幾香豬味，而且油份唔會特別多。豬潤新鮮，手切切得夠厚食落好爽口。鮮魷魚厚隻勁大隻，肉質