麗島小廚

營業中

休息中

雞煲唔一定要食麻辣嘅，今日試咗藥膳醉雞煲，味道都唔錯，最主要係啲雞嘅質素真係高。半隻雞兩個人食fit晒，因為個雞肉同埋個湯底係分開上，所以好清楚可以睇到啲雞肉都幾白淨唔會有瘀色，佢啲肉嘅顏色都幾新鮮。個藥膳雞湯真係好清潤，而且比想像之中少油，所以喺打邊爐之前趁佢未被污染嗱嗱臨整返兩三碗先，佢啲藥材未又唔會好濃，都幾OK。原來半隻雞都唔少嘢，所以火鍋配料我哋只係叫咗韭菜餃，因為侍應話佢哋呢度嘅韭菜餃係自家製，所以就試吓啦，都真係幾好食，我估唔會係即叫職包，但係連啲韭菜都好新鮮嗰吓勁。見隔籬枱有杯巨型檸茶於是我又叫咗一杯，真係幾大杯飲咗好耐。