109
2
3
港鐵石門站 C 出口, 步行約2分鐘
繼續閱讀
電話號碼
35903488
開飯介紹
餐廳提供雞煲、烤魚、火鍋，雞煲湯底多樣，如麻辣口味、海南椰子口味等。且亦有多樣肉類及配料選擇。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
有關獎賞計劃
招牌菜
食家推介
上網見好多人推介呢間雞煲的椰子雞煲，所以決定試吓。湯底都幾多材料，有紅棗杞子椰子肉等，侍應會喺你面前車個椰青落埋個湯底度，多一從功夫可能都係想話比你知佢哋係真材實料卦。雞係另上嘅，個湯底滾起先落，d雞都幾靚幾新鮮咁樣，再等個湯底滾5分鐘左右就食得，味道唔錯，雞味夠香濃夠新鮮，個雞湯都好正。食完雞就開始打邊爐，叫咗蜂巢豆腐同鮮蝦雲吞兩款配料，蜂巢豆腐吸晒啲雞湯嘅精華實在太正，佢嘅鮮蝦雲吞都好食，啲餡都幾新鮮。佢嘅杯檸茶好大杯好正，真係雞煲必備。
繼續閱讀
個個都話返大陸食椰子雞煲，試過之後我都係覺得呢一間石門嘅雞煲店好啲，呢度啲雞係嫩滑啲，國內啲雞係韌啲同鞋啲。今晚要咗半隻雞嘅椰子雞煲，雞件非常新鮮有冇瘀血而且份量非常足。佢個湯底都有幾多材料，當然最重要就係喺你面前倒落去嗰個椰青水啦，另外湯底入面都有一啲椰子肉喺度，難怪食落去會有一種清潤嘅感覺。侍應叫我哋湯滾咗先至放雞落去然後滾5分鐘就可以開蓋，先飲雞湯同埋食雞，食到7788兼飲夠雞湯之後就可以開始落其他配料打邊爐。因為呢度嘅份量都多，所以只係叫咗冬瓜件同埋黑毛豬豬頸肉片，兩樣都好新鮮。
繼續閱讀
Set Lunch款式多，我哋三個人一人揀一款然後share食，我哋揀咗魚香茄子、豉汁蒸䱽魚同埋剁椒肉鬆蒸豆腐，呢度嘅份量都幾多，我覺得四個人食都絕對足夠有餘。 lunch time時間一坐低侍應就送上每人一碗例湯，今日係紅蘿蔔合掌瓜粟米煲豬骨，呢碗例湯冇味精，真係好正。佢嘅set lunch除咗你揀嘅送之外仲會跟一碟菜，魚香茄子用小砂鍋上，食嘅時候仲熱辣辣，冇乜油果下好。豉汁蒸倉魚嘅豆豉好香，條魚又大條又新鮮。剁椒肉鬆蒸豆腐嘅肉鬆其實即係肉碎，啲豆腐好滑，又唔會好辣喎。個餐仲跟埋嘢飲，都幾抵食。
繼續閱讀
今晚兩個人食雞煲，揀咗椰子雞煲，半隻雞份量，再加少少火鍋配料，飽到冇朋友。佢呢度湯底、雞同埋椰青係分開上嘅，半隻雞都幾大隻，而且都幾新鮮。將雞同埋椰青到晒落個湯底度等佢滾起，唔使咁快打邊爐住，食吓雞飲下雞湯都不知幾滋味。啲雞真係好新鮮好嫩滑，而且啲雞都唔係好肥，唔會搞到成個湯底油淋淋，個椰子雞湯真係好飲，好香椰子味。火鍋配料我哋只係嗌咗韭菜餃，呢度嘅韭菜餃幾好食，入面啲韭菜好新鮮。呢度嘅大檸茶幾抵飲，大大杯，啱晒食雞煲。
繼續閱讀
今晚試了一間以雞煲做主打的餐廳，見佢個椰子雞煲好似幾吸引，加上其中一個朋友唔係好食得辣，與其叫BB辣的雞煲咁無癮，不如試吓叫椰子雞煲啦。呢度嘅雞煲嘅雞同個湯係分開黎嘅，個伙記會等個湯滾起咗嘅時候幫你倒D雞落個湯底度，因為係椰子雞煲，所以會有一個椰青，會喺落雞嘅時候落埋落個湯度，個椰青仲有D椰子肉可以刮出黎食。除咗半隻雞之外我地仲叫咗一份雲吞、一份炸魚皮同埋一份墨魚滑，雲吞新鮮好食，炸魚皮超級巨型，其他地方好似都無食過咁大塊嘅炸魚皮，而個墨魚滑亦都新鮮好食，仲有兩條咁多，值得encore
繼續閱讀