麗島小廚

營業中

休息中

呢間雞煲店的雞煲份量真係好足，我地兩個人叫半隻雞再叫多咗一份蝦滑，叫做好勉強先食得晒，感覺上佢嘅半隻雞係多過出面其他地方嘅，連蝦滑一份都有兩條，咁闊佬好少見，咁樣食一餐先至係每人大約$160左右，都真係好抵食。佢嘅椰子雞煲，雞同湯係分開上嘅，另外仲會由伙記幫你倒個椰青落個湯底度，然後等到個湯滾起又會黎幫你將D雞倒埋落個湯底度。D雞好滑，個湯底落咗新鮮椰汁又真係好味D好Fresh，感覺又清又潤。佢個手打蝦滑都好新鮮，食落好Q彈。個雞湯無味精好好飲，D雞食好耐先食得晒。