馬場洞烤肉專門店 (新城市廣場三期)

營業中

休息中

好耐無去過沙田喇，原來新城市廣場變咗好多，嚟到三期更加面目全非，有一種新鮮又迷失嘅感覺。A姐話好耐無食過韓國嘢喇，所以今日我哋就去慰藉一吓佢寂寞嘅胃，嚟到馬場洞烤肉專門店等佢happy吓。菲力牛排嚟到馬場洞又點可以唔食牛呢？我哋叫咗呢間鋪頭推介嘅菲力牛排！佢嘅最大賣點係用「濕式熟成」方法處理，所以特別juicy！店員先幫我哋燒咗肉嘅表面以鎖緊肉汁，大概燒到五成，肉質鮮嫩，加上少少調味，令肉嘅香味更加突出。特選黑毛豬肩肉除咗菲力牛排，呢個豬肩肉都係重點推介！首先燒咗肉嘅表面以鎖緊肉汁，不過，豬肉要燒得熟啲，所以時間控制好重要，店員細心協助。豬肩肉嘅肉味好香濃而唔會好韌，而且油粉比例啱啱好。藥膳養生石鍋飯邊個話養生嘢就一定唔好味？呢個飯即叫即煮，上枱先奉上小汽鍋，店員首先加入唔同嘅調味，之後再放入新鮮嘅蔬菜，好係有松茸、松子、香菇同波菜等食材再撈匀，營養豐富，而且層次好豐富。