影片
更多
2021-09-23
390 瀏覽
香港人既你有幾鍾意食壽司?我對壽司、丼飯既要求好高，所以好小成日周圍試，覺得最好食都係要去日本。呢間日本菜餐廳我成日經過，上Openrice先知佢係人氣Top 10高既日本野，成日食隔離個間龍門冰室，今次終於有機會試呢間。十和田總本店係尖沙咀超人氣壽司店，由20多年經驗既青森縣資深日籍壽司師傅主理，食材都係由日本空運抵港，用江戶前傳統壽司製法，利用酒粕發酵既赤醋飯，飯粒呈琥珀色，比白米醋飯更加有酒香豐醇，提昇魚生既鮮味。餐廳紮根金馬倫道多年，甚具人氣，被譽為香港既美登利。平日夜晚7點幾去到，餐廳差唔多坐滿，好好彩唔駛等位。餐廳以日式木系簡約風格為主，環境舒適舒服，乾淨企理，不過枱同枱之間距離有啲近，枱唔算好大張。枱面上有日本直送綠茶粉，可以按自己口味去泡製濃度，另外可以聽到播住日本流行曲。呢度係用QR code落單，野食種類唔小，有壽司拼盤、特選壽司拼盤、三味壽司、吞拿魚類壽司、手卷類、刺身類、沙律類、白魚類壽司、火炙類壽司、蝦/蟹壽司、 墨魚/八爪魚壽司、軍艦類壽司、丼飯、烏冬、小食、貝類壽司、魷魚類壽司、鯖魚類壽司、卷類壽司、細卷類壽司、飲品、甜品、其他壽司。-1️⃣ 三色丼 💰188
十和田總本店係尖沙咀超人氣壽司店，由20多年經驗既青森縣資深日籍壽司師傅主理，食材都係由日本空運抵港，用江戶前傳統壽司製法，利用酒粕發酵既赤醋飯，飯粒呈琥珀色，比白米醋飯更加有酒香豐醇，提昇魚生既鮮味。餐廳紮根金馬倫道多年，甚具人氣，被譽為香港既美登利。
平日夜晚7點幾去到，餐廳差唔多坐滿，好好彩唔駛等位。
餐廳以日式木系簡約風格為主，環境舒適舒服，乾淨企理，不過枱同枱之間距離有啲近，枱唔算好大張。枱面上有日本直送綠茶粉，可以按自己口味去泡製濃度，另外可以聽到播住日本流行曲。
呢度係用QR code落單，野食種類唔小，有壽司拼盤、特選壽司拼盤、三味壽司、吞拿魚類壽司、手卷類、刺身類、沙律類、白魚類壽司、火炙類壽司、蝦/蟹壽司、 墨魚/八爪魚壽司、軍艦類壽司、丼飯、烏冬、小食、貝類壽司、魷魚類壽司、鯖魚類壽司、卷類壽司、細卷類壽司、飲品、甜品、其他壽司。-
1️⃣ 三色丼 💰188（👅: 8/10）
三色丼
$188
5 瀏覽
2 讚好
0 留言
丼飯睇落好細碗，但三碗夾埋其實都食到幾飽，而且配料多到滿瀉，呢度嘅飯係用赤醋飯，食落有小小嘅酸味，突顯食材既鮮味，飯粒軟硬適中，有嚼口。
後是蟹味濃郁的蟹肉蟹膏； 最後是入口即溶的新鮮海膽，份量十足。
吞拿魚魚蓉丼嘅味道係最淡，滿滿既吞拿魚魚蓉咬落軟綿綿，無筋夠肥美，口感綿密，幾黏口，魚蓉入口即化，食落魚蓉夠新鮮，帶濃郁魚油香，表面仲有京蔥絲同芝麻粒，入口更加香口，加少少豉油更加帶出鮮味。
之後係海膽丼，海膽咬落去好滑，夠creamy，入口即溶，食落去唔腥冇苦味，夠新鮮，不過海膽味就唔算好重，同埋略嫌海膽嘅份量唔夠多，因為其他兩個丼份量都係滿晒 。
最後係松葉蟹肉蟹膏丼，首先佢嘅蟹肉同蟹膏份量非常多，蟹肉食落鮮甜，而蟹膏食落去甘香豐腴，食得出淡淡蟹味，味道濃郁，唔會係死咸嗰種味，兩者一齊食，冇苦澀味，喺口腔既係滿足感。呢碗丼係我覺得完全唔使落豉油，因為佢蟹膏份量夠多、味道夠重，夠撈晒成碗飯。
-
2️⃣⃣ 平成卷 💰148（👅: 7.5/10）
平成卷
$148
9 瀏覽
1 讚好
0 留言
呢度嘅壽司飯都係用赤醋去調味，比起白醋既味道更濃郁，酸味重一啲，味道比平時更獨特，更加有口感，同油脂豐富既魚生配搭，更有層次。
海膽食落去同三色丼入邊嘅差唔多，夠新鮮，creamy 入口即溶，不過海膽味唔算重，而吞拿魚魚蓉都係差唔多，幼膩香滑，有蔥花帶出去嘅魚脂香，三文魚籽晶瑩剔透，顏色鮮艷食落咸咸地，有魚油香，令到成個卷充滿咸鮮味，而且口感十足 。
滿滿既三文魚籽，加上軟綿嘅吞拿魚魚蓉同入口即溶嘅海膽，口感層次豐富，味道融洽充滿鹹鮮味。
-
3️⃣⃣ 💰48（👅: 7/10）
海膽蒸蛋
$48
4 瀏覽
1 讚好
0 留言
上面既海膽應該都係一樣，為蒸蛋帶來鮮味，蒸蛋入口滑溜，質感幼滑，蛋味有少少，不過就唔算好有驚喜嘅蒸蛋。其他材料仲有蟹柳、白果、冬菇等，令到口感更加豐富。
但亦新鮮甜美。
-
🌟食物質素喺尖沙咀來講算可以接受，食物新鮮，種類夠多，價錢未到好貴，丼飯或者壽司嘅份量都幾多，睇落好少但係會食得飽。環境上幾有日本氣氛，略嫌枱同枱迫左啲，整體係間尖沙咀唔錯既壽司丼飯餐廳。
-
👅味道: 7.5/10
🍴環境: 7.5/10
💰消費: $150-250pp (服務費: 10%)
張貼
