露台餐廳

營業中

休息中

尋晚年三十去食，水準同一年前去食的嗰次相比退步得好緊要。無論係食物定服務都退步。侍應人手少左，無左咁周到（除左對我隔離同後邊的兩台可能係熟客的人物寧捨服務周到）。所有凍海鮮同刺身只係不過不失，但完全無以前的鮮味。上次最出色的羊架都退步，邊皮麵包糠位置落味太濃，但其他好多食物（例如人參鷄湯，西式既比目魚柳等）又好淡，幾乎無味喎，懷疑當晚個厨師味蕾係咪有d問題。中式蒸斑塊都做得無上次好食。同埋尋晚好多食物都不夠熱，保溫無做好。半島自助餐的食物種類本就比同價位的其他自助餐要少好多，如果食物質素是尋晚的水平，無寧捨過人之處，真係無必要去食。以尋晚既水平，我完全唔明白點解會有咁多人讚到佢地天上有地下無。總之今次非常失望，應該暫時都無下次。相都費事po了