逸之燒 (已結業)

逸之燒今晚係元朗搵食，搵到泥呢間位於鳳攸南街既日本餐廳—逸之燒。首先佢門面唔錯，入面都相當整潔，目測可容納20人左右。我地事先book左枱，所以1930到就即刻有位！坐低第一件事 ，當然係叫翻兩客刺身先啦。我分別叫左劍魚腩同鰤魚刺身，老實講，自問並唔係咩食家，品嚐美食都係靠自己直覺同味覺。而呢兩份刺身一食落口，的確係有幾新鮮既感覺，尤其係個劍魚腩，相當肥美。值得一提既係，刺身係用碎冰座著咁上枱，所以涼涼地咁食，更能帶出魚既鮮味。跟住係卷物，我地叫左『吉列蝦芝士反卷』。佢一碟有6件，味道都相當唔錯。壽司方面，今晚淨係叫左『海膽壽司』，壽司軍艦之上鋪滿海膽，一啖擺晒入口，簡直係無與倫比。另外，都叫左啲的燒物。包括豚肉荔枝串，豚肉菠蘿串同牛脷串。其實三串野都好食，特別係兩串豚肉生果串，真係幾特別，有好清新既感覺。你以為我地咁就飽？仲未！最係我地仲叫左一客鵝肝多士同黑松露和牛炒飯，兩款都好好味。最後埋單加埋一，盛惠$605蚊，價錢算幾合理！