Sky726

營業中

休息中

今日去左食西餐慶祝周年紀念，選擇左處於25樓既Sky726。地方唔大，不過環境同氣氛幾好叫左個set dinner (選擇左羊T骨)，半打生蠔，奶油蠔湯伴魚子醬同安格斯肉眼扒｡個set dine嘅是日湯係甘荀湯，非常清甜，加埋個熱辣辣嘅餐包簡直無得彈｡小食我唔記得叫咩，不過有好強烈嘅酒精同三文魚嘅味道。個羊T骨非常香，不過就太咸了，咸到可以用佢黎送飯既地步。生蠔比想像中細隻，不過好有蠔味個奶油蠔湯伴魚子醬極度creamy同濃郁，飲完都飽飽地。不過如果怕腥的話就千其千其唔好叫。個安格斯肉眼扒好juicy，又大件，調味得岩岩好服務態度非常好，唯一差少少就係佢地void左我地張卡兩次。因為我地經openrice訂位，所以set dinner有85折，散叫(除左生蠔)就9折。第一次void單係佢地自己發覺唔記得比折扣我地，第二次就係我地發現佢地叫計左set dine嘅折扣而無計到散叫嘅折扣，所以提大家一定要check單。除左呢啲其實佢好好，下次一定會再黎。