更多
2022-11-17
715 瀏覽
蕃薯uncle發現跑馬地有新酒吧餐廳登場,「Cielos Cafe & Bar」(意大利文可譯作為「天空/天堂咖啡屋及酒吧」)每日下午四至八點精選飲品可享買一送一優惠,好即興咁就相約爛飲小群組歡樂一番!新店有免費Wi-Fi提供,相信放寬後會吸引不少遊客光顧。藍光嘅霓虹招牌及室內嘅黃色燈泡入夜後尤其搶眼。小店選用之雲石餐桌及地磚襯托白色椅櫈令環境更為光鮮。估計拍牆內側嘅絨墊梳化應該最好坐。門口高咗一級嘅高櫈吧位設計則更具特色,直令格調變得輕鬆寫意得多。飲品餐牌共有兩頁之多,意大利籍嘅經理兼酒保Mattia哥哥搞鬼幽默,當問及邊啲指定飲品有優惠時,佢話咁就要睇吓邊個叫啦,呵呵呵!幸好三口子均有緣入到其歡樂名單,所點嘅紅酒、威士忌同生啤都有得買一送一。四點開波,飲吓飲吓好快天都黑埋,歡樂時光過得特別快!「Cielos Cafe & Bar」優閒地座落於跑馬地嘅酒吧聚居地一角,每天歡樂時光有買一送一優惠,俊俏嘅主持人將歡樂模式延伸至服務上,搞笑又有效率,成功打造出歡樂天堂。細問下得知廚房主打手工意大利粉及薄餅,等鬼妹仔契妹返香港後一定要再黎試。
$79
34 瀏覽
1 讚好
0 留言
張貼