更多
2020-06-05
2786 瀏覽
平時番工咁辛苦，偶爾都想食放題慰勞一下自己同放肆下！香港有唔少日式放題餐廳選擇，今次就揀左位於銅鑼灣嘅滿屋。呢度嘅座位以卡位為主，坐得幾鬆動唔會有壓迫感，除左用紙仔任點嘅料理之外，大堂中間位置亦提供唔少冷盤例如凍蝦、花甲、螺肉同埋沙律菜等等，仲有幾款小食例如炸薯格、炸魚皮同埋印度薄餅等。但我就對呢D前菜興趣不大，因為想留番個肚試主菜！首先來一客刺身拼盤：三文魚、帶子、吞拿魚、白身魚薄切、甜蝦同埋黃金魷魚。各款刺身都好新鮮尤其是三文魚同帶子！帶子超大粒又新鮮又肥美。吞拿魚最一般可以唔試。到我最期待嘅壽司🍣好貪心嘅我幾乎餐單上每一款都點左！款式實在太多不能盡錄，我最喜愛嘅幾款包括：京蔥三文魚腩、火焰牛油蒜蓉三文魚、火炙海膽蟹棒、鹽燒左口魚邊、蔥吞拿魚茸軍艦、海鮮火炙三文魚卷、鰻魚壽司等。呢度仲有得任點海膽手卷，食多幾客都已經回哂本了！！另外點左幾款熱食同炸物，有銀雪魚西京燒、雪花肥牛鍋等。我最愛竹笙瑤柱蟹肉翅，每碗入面都有大大舊竹笙，加入左麻油同紅醋，食落有D似碗仔翅。肥牛鍋嘅牛肉好嫩滑，配埋滑蛋一齊食好夾。炸物種類都幾多，有炸雞翼、吉列蠔、南瓜芝士波、紫心香芋丸、榴槤炸彈等。炸蝦天婦羅層
呢度嘅座位以卡位為主，坐得幾鬆動唔會有壓迫感，除左用紙仔任點嘅料理之外，大堂中間位置亦提供唔少冷盤例如凍蝦、花甲、螺肉同埋沙律菜等等，仲有幾款小食例如炸薯格、炸魚皮同埋印度薄餅等。但我就對呢D前菜興趣不大，因為想留番個肚試主菜！
首先來一客刺身拼盤：三文魚、帶子、吞拿魚、白身魚薄切、甜蝦同埋黃金魷魚。各款刺身都好新鮮尤其是三文魚同帶子！帶子超大粒又新鮮又肥美。吞拿魚最一般可以唔試。
到我最期待嘅壽司🍣好貪心嘅我幾乎餐單上每一款都點左！款式實在太多不能盡錄，我最喜愛嘅幾款包括：京蔥三文魚腩、火焰牛油蒜蓉三文魚、火炙海膽蟹棒、鹽燒左口魚邊、蔥吞拿魚茸軍艦、海鮮火炙三文魚卷、鰻魚壽司等。呢度仲有得任點海膽手卷，食多幾客都已經回哂本了！！
另外點左幾款熱食同炸物，有銀雪魚西京燒、雪花肥牛鍋等。我最愛竹笙瑤柱蟹肉翅，每碗入面都有大大舊竹笙，加入左麻油同紅醋，食落有D似碗仔翅。肥牛鍋嘅牛肉好嫩滑，配埋滑蛋一齊食好夾。炸物種類都幾多，有炸雞翼、吉列蠔、南瓜芝士波、紫心香芋丸、榴槤炸彈等。炸蝦天婦羅層炸粉就略嫌厚左少少。所有炸物都係即叫即炸上枱時全部熱辣辣。
每位客人可揀一杯雪糕，我地就揀左密瓜味同紅豆雪糕。
張貼
