陳儀興飯店 (崇齡街)

營業中

休息中

陳儀興是新蒲崗幾十年老字號的潮州打冷店, 由一間正鋪擴展到依家三間鋪, N x N年前嚟呢度考試已經食過, 近年嚟彩虹道運動場打波都食過幾次, 覺得唔錯, 但今晚嚟食勁失望, 食物除了味濃....就祇有濃味, 近呢幾年好少食味精咁重手嘅食店, 口渴到回家落車直情要入七仔買支啤酒解渴.滷水鵝 （1/4隻）1/4隻巧大碟, 真正潮州滷水鵝的大Size, 味道好濃鹹, 但欠了點滷水的醇和香, 鵝肉浸滑得好嫩滑, 肉質鬆軟, 若然個滷水膽正的話......就very good 鳥凍馬友 ($168)凍烏頭就食得多, 凍馬友第一次食, 估唔到馬友凍食會咁好食, 魚肉油滑富肉汁, 完全冇腥氣, 祇有微微的鹹及香, 食到魚嘅鮮甜, 食味頗佳滷水拼無咩特別煎蠔餅蠔肉鮮甜, 卻落得好少, 粉漿太多, 勁索油, 食到滿口油....椒鹽鮮魷大量炸蒜, 椒鹽下得夠, 好香口惹味, 佢地個炸漿睇落都幾薄, 唔知點解咁油的!杞子豬膶浸番薯葉呢個味道算適中了, 唔會鹹死你, 猪膶嫩口唔腥, 番薯葉黄左, 有黄氣, 不要浪費豬膶精華, 飲碗豬潤湯補下身,  淨飲其實都偏鹹。