影片
更多
2018-10-31
2384 瀏覽
早餐$43火腿通粉火腿份量多，味道正常。通粉好食喎！係圓身果種通粉，但因為煮既時間啱啱好，唔會太淋，仲有啲口感，唔錯！湯底味道幾清，唔會過鹹或好油膩，食落有種舒服既感覺，幾好！牛油多士多士有兩片，焗得夠脆。可惜牛油落得太重手，增加左油膩感，同時亦令多士沾左牛油既部份變淋，影響左口感滑蛋顏色金黃，賣相好靚。保留左少少蛋汁，唔會過熟或太生，滑蛋尚算嫩滑，但放耐左蛋面會變乾，要盡快食。較失望既係滑蛋欠缺蛋香。旋風蛋西炒飯 $78旋風蛋保留到蛋汁但唔會過生，火喉控制得幾好。蛋包圍住西炒飯，以為蛋會好薄，但都有少少厚度。西炒飯飯粒炒得乾身、粒粒分明；加左茄汁去炒，食到微微酸味，飯既味道自然會較白飯鹹。而飯入面仲加入左腸仔，越食越鹹，扣左唔少分整體而言，賣相真係好靚，無得彈。但味道唔算特別，蛋仍然缺乏蛋香，西炒飯過鹹。以哩個質素但索價$78，有點進取，性價比低。炭火叉燒滑蛋飯 $78叉燒有八塊，可惜唔記得左叫瘦叉，我地哩碗既叉燒係半肥瘦。叉燒味道幾好、夠入味，帶少少蜜糖味；肉質夠淋，唔會太韌咬唔到。全瘦既叉燒肉質更硬實，如果有下次我一定會叫瘦叉~滑蛋應該同茶餐既一樣，但叉燒、滑蛋、飯撈埋甜豉油黎食
早餐
$43
62 瀏覽
0 讚好
0 留言
早餐$43
火腿通粉
火腿份量多，味道正常。
通粉好食喎！係圓身果種通粉，但因為煮既時間啱啱好，唔會太淋，仲有啲口感，唔錯！
湯底味道幾清，唔會過鹹或好油膩，食落有種舒服既感覺，幾好！
牛油多士
多士有兩片，焗得夠脆。
可惜牛油落得太重手，增加左油膩感，同時亦令多士沾左牛油既部份變淋，影響左口感
滑蛋
顏色金黃，賣相好靚。
保留左少少蛋汁，唔會過熟或太生，
滑蛋尚算嫩滑，但放耐左蛋面會變乾，要盡快食。
較失望既係滑蛋欠缺蛋香。
旋風滑蛋西炒飯
$78
68 瀏覽
0 讚好
0 留言
旋風蛋西炒飯 $78
旋風蛋保留到蛋汁但唔會過生，火喉控制得幾好。
蛋包圍住西炒飯，以為蛋會好薄，但都有少少厚度。
西炒飯飯粒炒得乾身、粒粒分明；
加左茄汁去炒，食到微微酸味，飯既味道自然會較白飯鹹。
而飯入面仲加入左腸仔，越食越鹹，扣左唔少分
整體而言，賣相真係好靚，無得彈。但味道唔算特別，蛋仍然缺乏蛋香，西炒飯過鹹。以哩個質素但索價$78，有點進取，性價比低。
炭火叉燒滑蛋飯
$78
83 瀏覽
1 讚好
0 留言
炭火叉燒滑蛋飯 $78
叉燒有八塊，可惜唔記得左叫瘦叉，我地哩碗既叉燒係半肥瘦。
叉燒味道幾好、夠入味，帶少少蜜糖味；肉質夠淋，唔會太韌咬唔到。
全瘦既叉燒肉質更硬實，如果有下次我一定會叫瘦叉~
滑蛋應該同茶餐既一樣，但叉燒、滑蛋、飯撈埋甜豉油黎食，口感好豐富、好滿足！
整體而言，正常既一碗叉蛋飯，份量夠，但味道冇話特別出色，可能抱左太大期望～
記得！一定要加台面果支自家製甜豉油，用甜豉油撈飯食令成件事升華幾個lv！超好味！一定要加啊！
服務方面，女侍應唔會好似澳x咁催住你落order，話等等再落佢地都冇咩點黑面，仲會主動介紹菜式。一開始我地冇落到甜豉油，有兩個侍應見到都有上前提醒加埋豉油食會好食啲，幾欣賞佢地會觀察客人同肯主動提醒。
雖然都係快餐模式，但多左份温暖既感覺><
門口永遠有人排隊，要食最好早啲啦！
本身想試蔥花叉燒滑蛋飯，但要六點先開始供應，唔知之後會唔會再去試啦！因為性價比唔高，蛋香較欠缺，滿足唔到作為蛋控既我。
個人認為滑蛋同常餐質素旺x較出色喎！
甜豉油就聯發略勝一籌
張貼
