影片
更多
2023-11-18
128 瀏覽
本身同friend食farewell飯，見到呢間評分幾好就book咗（openrice book有9折），但個戴眼鏡好似係老闆既女人真係態度勁差。佢講每一句，係每一句個語氣都好差，都唔係話要你當客神咁拜，不過真係澳牛都無咁難頂。‼️睇佢每一句請代入最差既語氣‼️Book 6點半，去到36分，因為餐廳話可以hold十分鐘。我入咗先因為朋友遲到，一入到佢就即刻話你朋友係咪嚟緊？我地限時90分鐘。我話係，然後幫朋友落單先，但因為我朋友無講清楚要邊個西京燒（有2個），我話嗌住2個先，一陣再睇。佢就語氣勁差咁問，淨係落2個？我話我朋友到咗再睇。其實去到呢度我都已經有少少唔舒服，不過唔緊要，可能佢怕我淨係叫2樣呀嘛，都明白既。（但你menu又無寫住限最低消費喎～）最後朋友到左之後嗌個西京燒同梅酒，本身想嗌個中拖羅，點知$100 一塊😆 仲要係2件起叫。有興趣既人真係可以試下，好想知係有幾好食值得呢個價錢？仲有佢地係無野飲menu架，佢話我地無架，想飲咩同我講吖！但係你無menu我又點知你有咩？我話要朱古力唔知你係咪又嘔到比我呢？要我朋友主動問咁你地有咩先講🤔 然後就一路食住到大概19:55？我朋友嗌多
‼️睇佢每一句請代入最差既語氣‼️
Book 6點半，去到36分，因為餐廳話可以hold十分鐘。我入咗先因為朋友遲到，一入到佢就即刻話你朋友係咪嚟緊？我地限時90分鐘。我話係，然後幫朋友落單先，但因為我朋友無講清楚要邊個西京燒（有2個），我話嗌住2個先，一陣再睇。佢就語氣勁差咁問，淨係落2個？我話我朋友到咗再睇。其實去到呢度我都已經有少少唔舒服，不過唔緊要，可能佢怕我淨係叫2樣呀嘛，都明白既。（但你menu又無寫住限最低消費喎～）
最後朋友到左之後嗌個西京燒同梅酒，本身想嗌個中拖羅，點知$100 一塊😆 仲要係2件起叫。有興趣既人真係可以試下，好想知係有幾好食值得呢個價錢？仲有佢地係無野飲menu架，佢話我地無架，想飲咩同我講吖！但係你無menu我又點知你有咩？我話要朱古力唔知你係咪又嘔到比我呢？要我朋友主動問咁你地有咩先講🤔 然後就一路食住到大概19:55？我朋友嗌多咗杯酒，搵咗另一個staff，過咗一陣個女人行過嚟，勁串咁話其實你地想落單可以搵我吖！下，原來成間舖得你可以落單？咁一係你整個badge比大家掛係心口，一啲寫住「只限上菜」，你自己整個寫「落單」？
呢個時候留意時間，係就黎到90分鐘。的確我地自己無注意到就嚟夠鐘係我地罪大惡極🥺 咦但係你落單兼上第二杯酒又無提過我地架喎，去到飲咗2啖，大概係00-05分咁上下啦，佢就衝過黎話其實我地openrice booking限時90分鐘架，如果你地唔要9折就可以坐耐啲。我朋友話啊係咩我唔知啊，佢話你地book枱個個應該知架～同埋都超過時間啦，咁你地係咪唔要九折？我地話唔緊要～我地都係爭2啖酒同條菜姐😉 可以依家埋單架～我因為一時間load唔到我地坐咗幾耐，但後尾計返其實佢過嚟話夠鐘個陣係未夠鐘架，因為我地最後埋單比錢個陣係11分。 同時間佢幫隔離枱落單個陣唔知講咩又係態度好差，然後佢地應該係見到我地咁所以問咗句係咪限90分鐘？佢就勁串咁話唔係呀，隔離係因為openrice所以先90分鐘～哇咁樣公開串客真係第一次見，大開眼界！我地最後遲咗1分鐘真係so sorry🥺🙏🏻🙏🏻🙏🏻🙏🏻🙏🏻 其實如果你真係咁睇重90分鐘，客人叫第二杯酒個陣你又唔提既？你expect人地飲酒5分鐘就飲完？定係錢你就照收，野就唔想比人飲？最後隔離枱都忍唔住同我地講佢態度好差🤣
重點嚟啦，你話openrice book所以限時90分鐘，但你個T&C又無寫架喎！咁點解book枱既會知道呢？咁算唔算係屈客？🤩
人生中從來無試過食一間餐廳食到咁嬲，未試過見過服務態度咁差既餐廳，求其搵間茶記都好過佢。其實我最嬲係自己當時load唔切冇駁到佢，蠢咗😒總結如果你係M底，又錢多無掟洗既可以book，我就不了👋🏻
張貼