大圍小館

營業中

休息中

Item: 大圍小館
Rating: 5
Author: mikielgirasol

Taiwai Dining Room

76 食評

味道

環境

服務

衛生

抵食

5513

元朗

$101-200

粵菜 (廣東) 點心中菜館

mikielgirasol

等級4

190

呢間好出名嘅大圍小館總店係大圍，但係如果要食就要好早之前book枱👉🏻👈🏻 最近佢終於開咗分店喺元朗，相對容易啲book位。今次多得朋友幫手book，我就可以黐餐試吓呢間咁出名嘅米芝蓮食店😋我哋當晚7:40pm左右已經到咗餐廳門口，點知原來佢哋定咗8:15pm統一安排第二輪嘅客人一次過進場，所以我哋就喺門口嘅木凳坐低左，一路睇餐牌一路等⏳ 最搞笑係我哋一行四人，店員竟然安排我哋坐大圓枱😅 (唔知係咪因為預先book枱嘅關係?!)但我哋的確坐得非常舒適👍🏻晚市茶芥 ($28/人)我哋叫咗一壺炭焙觀音，我哋個個都對呢一壺鐵觀音讚不絕口🥳🥳🥳！茶嘅顏色比一般鐵觀音更啡，顏色上有少少似沖淡咗嘅普洱。飲完之後會有一種回甘嘅感覺喺口腔入邊徘徊，真係好飲到停唔到口🤤 真係一分錢一分貨🫢鮮山葵海蜇頭 ($98)大推呢個海蜇頭，真係好好食！！！🤩🤩🤩 其他餐廳嘅海蜇係條狀，而呢度嘅海蜇係呈塊狀。海蜇嘅面積大啲，咬落就爽口啲😋 而且佢調味調得好好，麻油嘅香味好出，但又唔覺得佢油立立，食完想係想再叫多一碟！沙薑豬手仔 ($68)呢一個冷盤外表唔出眾🫢，不過味道又唔錯。本身以為用咗沙薑之後會好大陣薑味，但呢一

我哋叫咗一壺炭焙觀音，我哋個個都對呢一壺鐵觀音讚不絕口🥳🥳🥳！茶嘅顏色比一般鐵觀音更啡，顏色上有少少似沖淡咗嘅普洱。飲完之後會有一種回甘嘅感覺喺口腔入邊徘徊，真係好飲到停唔到口🤤 真係一分錢一分貨🫢

鮮山葵海蜇頭 ($98)

大推呢個海蜇頭，真係好好食！！！🤩🤩🤩 其他餐廳嘅海蜇係條狀，而呢度嘅海蜇係呈塊狀。海蜇嘅面積大啲，咬落就爽口啲😋 而且佢調味調得好好，麻油嘅香味好出，但又唔覺得佢油立立，食完想係想再叫多一碟！

沙薑豬手仔 ($68)

呢一個冷盤外表唔出眾🫢，不過味道又唔錯。本身以為用咗沙薑之後會好大陣薑味，但呢一碟豬手既薑味唔算好重，連平時唔中意食薑嘅我都可以接受到⭕️。同埋睇落佢個豬手🐷好似好多骨，但其實大部份都係軟骨位(90%都食得到)，將豬手撈埋下面嘅甜醬油&沙薑一齊食，味道都唔錯。不過如果俾我揀，我會想叫多一碟海蜇頭 instead of豬手仔🤭

勾魂叉 ($188)

我期待咗佢呢個勾魂叉好耐🤤 因為叉燒要整得好食都幾考功夫。上枱嘅時候，叉燒係放喺一堆脆米上面，而師傅會先將菠蘿醬搽上叉燒面，然後再用火槍🔥🔥🔥燒一燒叉燒嘅外皮(燒緊嘅時候叉燒嘅香味湧埋黎真係好正🤤) 不過食落味道又冇我想像中咁出色，可能因為佢好厚身，而且叉燒偏瘦，唔算有太多肥膏，所以少咗嗰種油脂喺口入邊化開嘅感覺。我相信如果佢多啲肥膏會更加好食。

腐乳流心蝦丸 ($218)

一碟有六粒蝦丸，size好大而且蝦味幾出🦐。同埋可能用左人手去打，所以咬落去好彈牙！炸漿嘅厚薄適中，咬完唔會散開哂。不過我覺得佢個腐乳味唔算好重，我會傾向多啲腐乳味，不過朋友就覺得啱啱好🤏🏻。我反而唔明白伴碟嘅紫蘇葉乾有啲咩用途？因為佢太輕太薄，夾落蝦丸上面又好快會飛走晒😅 就咁食紫蘇葉既味道又唔出，所以到最後都係由得佢哋繼續放喺隻碟上面😆

薑米蒜香籠仔蒸蟹飯 ($368)

我見好多人都推薦呢一個飯，所以我哋都叫咗一碟黎試吓。佢個份量真心多，一籠蒸飯嘅份量足以餵飽我哋四個人😆 上枱嘅時候，師傅同我哋講話可以將叉燒嘅脆米撈飯一齊食。我哋好聽話咁試下，又真係幾夾喎😆

蒸籠底放咗一大塊荷葉🪷，所以食飯嘅時候會食到一種清香既感覺。而我亦相信佢個飯係預先處理過先至拎去蒸，所以佢啲飯粒粒粒分明，而且顏色同味道都好平均👍🏻 至於蒸蟹🦀方面，蒸之前已經將蟹腳切好晒，又蟹腳入邊都幾多肉，而且隻蟹係用咗蒜頭🧄炒香左，所以食蟹嘅時候有蒜蓉嘅香味夾雜埋一齊。一碟飯可以食到兩樣嘢，而且份量仲咁多，所以我都好推薦呢個飯！

糖水