Pop Street (已結業)

約咗班中學朋友聚聚，揀左間係西營盤食多國菜嘅小店。一睇個Menu就咩都想試下，好多都係混搭左街頭小食風味嘅菜式，連啲名都改得好特別。我地一行6人，所以可以叫到好多嘢試！小食就已經點咗4款😋1️⃣川味辣子雞軟骨有大排檔風味，好野味2️⃣爆脆墨魚大口仔配山葵醬係用咗原隻細細隻嘅墨魚仔炸，炸醬啱啱好唔會太厚，同個wasabi mayo 都好夾3️⃣非洲懶人雞翼配Peri-Peri汁又一野味小食，少少辣。雞中翼一開二，入味又方便食，值得一讚👍🏻4️⃣拉絲芝士牛坑腩焗薯條有驚喜嘅配搭！平時食薯條配bacon食得多會覺得太咸，原來配牛腩仲好😆5️⃣大蜆扁意粉有大蜆又有蜆肉，好足料！6️⃣紅菜頭煎鴨胸燉飯紅菜頭risotto 中和左鴨胸嘅油膩感，配搭唔錯，但係飯嘅水份太多，飯身太軟7️⃣夏威夷酸酸甜甜豬肋骨蘋果溶配豬肋骨好refreshing，又要再讚廚師好細心，每次都切好一件件，方便懶人食👍🏻我見甜品無咩特別覺得食唔食都得，不過友人話要食甜品成餐飯先圓滿，所以叫左2款share，味道同賣相一樣普普通通啦！8️⃣鮮果蛋白塔9️⃣芝士餅總結：小食每款都有驚喜，水平之上。反而主菜有改善空間。整體用料足，多國菜嚟講價格算低（埋單先發現免服務