TORIO喫茶部 (已結業)

呢間餐廳好隱蔽，假日要由停車場入口行入去。而去到停車場𨋢口右手邊就係餐廳入口。裝潢好文青，當日坐卡位，但啲位有啲窄，有肚腩驚會卡住😬睇過上網推介鰻魚飯，就叫左個黎睇睇有幾利害，仲叫左個黑松露煙三文魚意粉。順便一提，呢到係要出去買飛，買完放個號碼牌係枱當眼位，職員會送餐。鰻魚飯上枱好長，擺碟算精美。鰻魚無咩特色，啲飯有啲濕，試一次就好了。但個意粉係我食過咁多黑松露之中最多既一次。淨係睇以為用錯左墨魚汁炒，每一啖都食得出好重既黑松露味，但美中不足係小小咸，鐘意食黑松露點都要試一次。一個餐包埋自家制水果茶平均90蚊左右，可以一試，亦期待有新菜式，新衝擊。