Coti the Bistro (五芳街)

營業中

休息中

我同朋友去咗一間新蒲崗餐廳，點咗個二人套餐，包括兩個頭盤、兩個主菜、兩杯飲品同一個甜品。我哋前菜分別叫咗蕃茄濃湯同意大利巴馬火腿。而主菜就叫咗牛扒同埋蟹肉扁意粉，佢嘅主菜非常之出色。特別係辣蕃茄蟹肉扁意粉。意粉煮得彈牙有嚼勁，蕃茄醬汁帶有微辣嘅口味，蟹肉鮮甜多汁。意粉同醬汁嘅完美結合，令味道更加濃郁。如果你鍾意意粉同辣味，呢個菜絕對值得一試。另外佢嘅16小時慢煮西冷牛扒，牛扒經過16小時嘅慢煮，肉質變得非常柔軟。最後，我地試咗「士多啤梨牛角包窩夫」作為甜品。牛角包窩夫會有芝士忌廉，再配上新鮮嘅士多啤梨同淋上甜蜜嘅醬汁，味道酸甜俱佳，鹹鹹甜甜幾有趣。