影片
更多
2020-12-22
650 瀏覽
一去到愛群道，就聞到好大陣油煙味，而且有好勁嘅煙飄晒喺條街度，就已經估到舖頭離我唔遠喇。一去到已經有4，5個人排緊隊，職員要求要去到門口位部自助機到買咗食物先至攞飛排隊。成間舖頭明顯有用心裝修過，真係好型格，用黑色為主，所以部機都係黑色，而且個介面整得好好，無論係字體定設計都有諗過，好似揀完食物就會有佢鋪頭嘅馬騮頭公仔飛落個訂單到，好過癮。門口亦裝咗一個向住門口嘅喇叭，好大聲咁播住啲英文同日文嘅快歌，相信係等排隊嘅人無咁悶，亦可以吸引街上其他嘅人。而且佢唔係播流行曲，所以成間舖頭都真係有種味道。排緊隊嘅時候先發現原來除咗門口見到入面嘅高櫈之餘，原來入面再有門通去佢哋另一間專食和牛嘅貴價餐廳。由於係有到門隔住，就算係去廁所，都仍然有多一道門隔住，所以好神秘，唔係知道入面嘅餐廳究竟係點。聽人講係要先做會員，而且大概一餐要成2千幾蚊架！排咗大約半小時有多就到我哋，佢係bar枱設計，但櫈腳無位踩，所以真係要個人用力"kut"高坐上去，矮小嘅我覺得有啲難度haha由於我哋叫咗餃子，所以坐低嘅時候已經有餃子醬汁擺定咗喺枱面。坐定唔使5分鐘，餃子已經準備好，然後好快個和牛丼都準備好。佢哋店員興攞住碟
門口亦裝咗一個向住門口嘅喇叭，好大聲咁播住啲英文同日文嘅快歌，相信係等排隊嘅人無咁悶，亦可以吸引街上其他嘅人。而且佢唔係播流行曲，所以成間舖頭都真係有種味道。
排緊隊嘅時候先發現原來除咗門口見到入面嘅高櫈之餘，原來入面再有門通去佢哋另一間專食和牛嘅貴價餐廳。由於係有到門隔住，就算係去廁所，都仍然有多一道門隔住，所以好神秘，唔係知道入面嘅餐廳究竟係點。聽人講係要先做會員，而且大概一餐要成2千幾蚊架！
排咗大約半小時有多就到我哋，佢係bar枱設計，但櫈腳無位踩，所以真係要個人用力"kut"高坐上去，矮小嘅我覺得有啲難度haha
由於我哋叫咗餃子，所以坐低嘅時候已經有餃子醬汁擺定咗喺枱面。坐定唔使5分鐘，餃子已經準備好，然後好快個和牛丼都準備好。佢哋店員興攞住碟食物然後大嗌一句日文 (我都唔知係咩意思)， 然後就舉高定喺度比你影相，相信第一次嚟嘅人都一定會忍唔住笑，我就梗係即刻攞起部手機影相啦。
然後枱面好有趣地都會有個手機座，佢嗰度寫話比你擺部手機錄影你食拉麵嘅過程。同埋因為佢個廚房係完全開放式，見到晒入面，連一塊膠片或者玻璃都無，所以好明顯佢哋執到個廚房非常乾淨，完全唔見到有油漬。亦都可能係e個原因，佢哋強勁嘅抽油煙機已經抽晒啲油出街。
首先講個餃子，個人覺得幾好味，佢煎得啱啱好，唔會太脆口，但係和牛嘅味就唔係好食得出。但如果當係普通餃子嘅水準就真係幾好味，連埋佢嗰個酸酸地嘅汁好夾。
至於個和牛丼，第一啖食落口唔會有入口即溶嘅感覺，但係係易咬開同埋夠油份。但因為一碗入面有好多片，唔同cutting，所以有啲cutting會連筋或者有肥肉，嗰啲部分我就覺得好難咬，所以唔多喜歡。初頭我好擔心佢好似花形咁包住個飯，我好難篤爛個啲牛肉去
同個飯一齊食。點知食到個飯嗰時佢哋好細心仲有啲牛肉碎喺個飯入面，咁就唔會淨係食飯咁寡喇。同埋隻蛋都係啲靚蛋，好好味。
和牛丼
32 瀏覽
0 讚好
0 留言
和牛餃子
30 瀏覽
0 讚好
0 留言
張貼
