影片
更多
2013-08-11
1048 瀏覽
為咗慶祝囝囝生日,一家四口就食咗一次難忘既自座餐, 先講環境, 不論裝修及攞設,冇諗過酒店既餐廳可以有茶餐廳FEEL, 卡位皮可以甩皮(如果加多幾個痰罐, 搵埋陳寶珠, 即刻回到過去). 但抱歉冇影相.食物: (冷盤)咁大個佬都未食過未過尾指既長腳蟹(係全晚都係咁), 完全有志偉FEEL. 係得生蠔叫做可以. 凍蝦就大路野.刺生就陰公囉, 八爪魚賣完就冇, 仲要唔多, 魚生唔新鮮, 所以切魚生既師傅可以成晚好得閒.(熱葷)西冷仲可以, 咖喱等大路野冇特別, 叫做見得人啲係羊架, 飯類就有三二種, 仲有薑醋(仲第一次係自座餐見有人薑醋撈飯), 魚都冇條, 最旺場既係燒烤部, 有焗蠔(一個字"乾") , 鴨肝(食咗三件,即煎，所以要等 都叫OK), 燒蝦 (都合格), 最多人排隊攞既竟然係鐵板腸仔雞翼（冇計，真係冇野好食）。湯有三種，燉湯ＯＫ。中段仲推出過一隻片皮鴨（係全晚得一隻，所以要配給）甜品：有１３種左右唔計生果，有砵仔榚，桂花榚，椰汁西米榚，冇酒味既tiramisu，最意想不到係星期六既自座餐既甜品豆腐花，竟然用細小既木桶版本，仲要食完一桶就冇。雪榚就有二類，用雪榚筒自己裝（即係富
食物:
(冷盤)咁大個佬都未食過未過尾指既長腳蟹(係全晚都係咁), 完全有志偉FEEL. 係得生蠔叫做可以. 凍蝦就大路野.刺生就陰公囉, 八爪魚賣完就冇, 仲要唔多, 魚生唔新鮮, 所以切魚生既師傅可以成晚好得閒.
(熱葷)西冷仲可以, 咖喱等大路野冇特別, 叫做見得人啲係羊架, 飯類就有三二種, 仲有薑醋(仲第一次係自座餐見有人薑醋撈飯), 魚都冇條, 最旺場既係燒烤部, 有焗蠔(一個字"乾") , 鴨肝(食咗三件,即煎，所以要等 都叫OK), 燒蝦 (都合格), 最多人排隊攞既竟然係鐵板腸仔雞翼（冇計，真係冇野好食）。
湯有三種，燉湯ＯＫ。中段仲推出過一隻片皮鴨（係全晚得一隻，所以要配給）
甜品：有１３種左右唔計生果，有砵仔榚，桂花榚，椰汁西米榚，冇酒味既tiramisu，最意想不到係星期六既自座餐既甜品豆腐花，竟然用細小既木桶版本，仲要食完一桶就冇。雪榚就有二類，用雪榚筒自己裝（即係富豪雪榚車那類）就首次見，沙冰有石榴味不俗（但部紅既沙冰機，成個小露寶咁，好大陸ＦＥＥＬ）
飲品都一般橙汁，茶，汽水。有個炸雪榚都可以一試。甜品中有一個重點表演，係火焰蛋榚，已經係全場高潮位。
服務：收碟好快手，服務都幾好，不過綠色既制服好唔掂。
簡評：用三百幾浪費咗我一個紀念日，未到用膳時間三份二都走剩幾枱。食物質素與廣告不符，一定冇下次既選擇
張貼
