新西貢 (已結業)

這間樓上越南菜，我已食了不少個年頭。味道不錯，位置好，價錢亦幾抵，在尖沙咀行街很多時會想起它。這次來，點了三味，無骨鳳爪是食過的，另外兩味是第一次試。無骨鳳爪，味道保持水準，辣汁惹味，其中有幾啖特別辣，都仲頂得住！炸札肉，鹹味較重，奇怪的是，食兩口後，很快已不再覺得鹹。皮有點脆，個人認為不必點甜酸醬也夠味道。黑豕及牛肉粒炒金邊粉，一望覺色水欠奉，入口發現不會淡口，夠味，仲有鑊氣，整體來講係好配合。豬肉粒要改善，因為有幾粒太多肥肉。雖然，可能其他食客會好like。這次來，和對上一次一樣，食客真的不多，但聽到有幾台都是老顧客，均是識貨之人。希望這邊做得住，繼續提供好食物給食客。另希望，快d再有耶汁拉糕食，佢地呢味好食的，但已停產好耐。煮果個快d康復，再煮糕品給食客品嚐。