Mini Friday (銀城廣場) (已結業)

今日黎到旺角呢間餐廳食西餐，伏味甚濃。我同男朋友叫左2個set,一個係自選意粉，另一個就係牛扒。有湯同沙律，沙律既醬汁酸到不得了，食左一啖就冇再食。意粉方面，味道幾好，汁亦好夾，唯一麻麻既係個份量太少，158蚊得咁細碟,又唔係有啲咩特別貴既材料，完全食唔飽。而牛扒方面，叫左medium rare，黎到好似7成熟咁，切落去好多筋，咬落去十分之靭，二百幾蚊咁既質素真係貼錢買難受。建議大家呢個價錢可以出面食好啲，坐底左之後餐牌都要我地主動問先有，野飲又漏單，落單同埋單3次先有人理我地，服務質素完全唔得。