今日黎到旺角呢間餐廳食西餐，伏味甚濃。 我同男朋友叫左2個set,一個係自選意粉，另一個就係牛扒。 有湯同沙律，沙律既醬汁酸到不得了，食左一啖就冇再食。 意粉方面，味道幾好，汁亦好夾，唯一麻麻既係個份量太少，158蚊得咁細碟,又唔係有啲咩特別貴既材料，完全食唔飽。 而牛扒方面，叫左medium rare，黎到好似7成熟咁，切落去好多筋，咬落去十分之靭，二百幾蚊咁既質素真係貼錢買難受。 建議大家呢個價錢可以出面食好啲，坐底左之後餐牌都要我地主動問先有，野飲又漏單，落單同埋單3次先有人理我地，服務質素完全唔得。

朋友提出想食韓點，我又諗唔到食咩所以就跟左去。 雖然係小店，店內位置唔多，有少少迫，不過都將就下。 我地就叫左個雞肉蓋飯，水冷麵同埋kimbub. 首先，個雞肉蓋飯有寫明少辣，食落係真係小辣，岩曬啲唔食得辣既我😂，雞肉都嫩滑，同埋有我最愛既珍珠米。 然後就係個水冷麵，今日咁熱既天氣，朋友就話食番個涼浸浸既冷麵都係個唔錯既選擇。佢就話個麵啲料都好足，麵質都有咬口，食完有種透心涼既感覺。 到Kimbub, 正正常常冇咩特別，啲料都多，唔會話飯既比例太多。 整體黎講，小店既質素黎講都係唔錯既🤤紅磡既朋友可以一試。

又要諗食咩既時候，响openrice碌下碌下發現到觀塘呢間新開既餐廳，逢星期一同三，6點後入座就main course 買一送一，就同男朋友去左食🤤 入到去環境同燈光唔錯，幾岩情侶黎。 我地就叫左個鵝肝浸紅酒梨 $138，賣相同伴碟睇得出一花心思，食落啖啖油花，配埋個麵包平衡番個膩既感覺。 另外再叫左2個肉眼扒 $348 ，呢個都煮得唔錯，我好怕啲肉靭，但呢個又唔會，食落都好多肉汁，juicy,唔會話太乾，配埋調味料整體幾唔錯，亦都有少少配菜，都正常。 不過價錢黎講係有少少貴既，埋單每人接近300蚊，但好食都值得既

响附近放學就諗住揾野食醫下個肚，就揾到呢間台灣餐廳！佢裝修完靚左好多，睇下食物水準係咪一樣咁好。 我就叫左個鹽酥雞滷肉飯，份量都好足，最重要係啲雞個炸粉唔會太多，而且調味都岩岩好，唔會話太咸，十分香脆可口！ 而朋友就叫左個香酥排骨滷肉飯，同樣份量都好足，亦都係炸粉唔會太多，食落啖啖肉，唔會好靭。 整體黎講，台灣野黎呢個價錢算係平，而且味道都唔錯🤤，岩曬我呢啲學生哥！

好中意食拉麵既我，又係時候發掘下學校附近有咩食啦😂行下就揾到呢間拉麵店 聽聞過佢既沾麵好食，所以平時唔叫沾麵既我都要試試佢，睇下係咪咁好食！ 重口味既我就叫左個特濃豚骨沾麵，果然冇令我失望🤤個汁十分濃味，唔會好油同鹹，同埋個麵可以掛到啲汁，亦係拉麵既精髓。另外一讚係個溏心蛋，真係有流心同埋唔會好硬。 而且店鋪會每隔一段時間推出果季既特色拉麵，同埋有得比你揀麵既硬度，符合唔同人既口味。 所以好推介比中意食拉麵既人士！

今日諗緊可以同朋友去邊度食飯，又可以坐耐啲同埋又有野玩下，就揾到呢間有boardgame既cafe🤤 我就叫左煙三文魚黑松露忌廉汁天使麵，三文魚都有唔少，忌廉汁都唔太膩，配埋唔會太硬太淋既天使麵，中意食西餐既就可以一試。 跟餐我再叫左杯曲奇朱古力特飲，黎到有好多塊曲奇好足料，而杯野飲都好大杯，同好濃味，食完都飽曬😂 最有心思一定係佢個生日甜品，畫得好靚，可惜揾唔番張相😭 可以叫佢畫壽星中意既圖，又可以打卡呀！ 食完又未走又可以玩下board game, 都有好多唔同款，又唔會話坐耐左就趕左我地走😂

今晚同男朋友响黃埔睇戲，所以就諗住响黃埔睇下有咩食，行行寸見到和民，我發中意食曰本野，就入左去啦。 睡到餐牌有二人餐，價錢亦唔算貴同選擇多，所以就叫左個二人餐。 黎到個沙律賣相唔錯，幾中意啲汁同麵包碎，唔會太dry🤤 之後黎左個三文魚刺身，雖然冇專做刺身壽司店果啲咁好食，但呢個價錢都算唔錯。 仲有個幾新奇既牛油果pizza，覺得呢個幾有特包，第一次聽牛油果pizza,我又係牛油果愛好者，緊好食，pizza個皮薄同脆，唔會好濟，汁同料既配搭幾清新。 主食就有温泉蛋牛肉飯，呢個就普通同吉野家牛肉飯差不多。仲有個牛肉鍋，啲牛肉都有牛味同料都好足。 整體黎講呢個價錢性價比都高既！！

前幾日同男朋友過大海住孔黎人既酒店，天氣唔算太好，時不時落雨，所以我地就決定近近地巴黎人入面揾間餐廳食，之後就search到呢間法國餐廳決定黎試下。 入到去個裝潢非常復古，成感覺好高貴既環境，幾有法國既風味。 一叫完野食，店員就拎左條法式麵包，呢個都算唔錯，食落脆口。 首先黎左個香煎法國鴨肝伴奶油包配青蘋果黑松露汁 MOP 178. 呢個賣相非常好，食落樣冇得頂，鴨肝滿滿既油花配上黑松露汁既麵包非常夾，最驚喜係個青蘋果浸過紅酒，食落既味道都唔錯，唔會話好奇怪。 第二個就係法式漢堡 MOP 158 一黎到塊肉仲大過塊包，可見份量有幾足，入面既料有頂級和牛肉，孔泰芝士，洋葱醬，芥末蛋黄醬，生菜，番茄配薯條。 食落滿滿既芝士同醬汁爆曬出黎，加埋塊非常有牛味既和牛，十分滿足。 最後點少得頂級肉眼牛扒350克 MOP 378. 我最怕食到好靭既牛，但呢個食落唔會靭，而且非常有牛味，配埋香草牛油既香同蘑菇汁，好滿足，貴啲都值得呀

Mad for garlic呢間餐廳聽個名都知係主打蒜味既食品，中意蒜既朋友千其唔好錯過啦！ 一如以往，我都係叫左garlic snowing pizza $148, 入面既材料有蝦，菠蘿，芝士，同埋好多蒜片。我好中意佢個pizza係因為佢個皮好薄同埋好脆，少少似印度pizza. 上面有層醬加埋菠蘿有少少甜甜地感覺🤤 另一樣就係risotto,個飯粒粒分明，有少少日本珍珠米，汁亦都好濃好creamy. 整體黎講好唔錯

平時好中意食壽司，今日就黎到呢間fusion壽司店試下啦。 我同朋友叫左個忘不了你同埋金龍卷 $88 首先，金龍卷入面就有三文魚，芝士同埋炸蝦，黎到賣相都好唔錯，食落都正正常常冇咩特別 另外就係忘不了你，主要食材有芒果，芝士同埋炸牛肉。加上上面既醬有少少似芥末辣辣地幾開胃，估唔到又幾夾，好清新既創意卷物。 不過最好多啲人黎，咁就可以試多啲唔同既創意卷物🤤