鍋卷鳴門 (已結業)

知道呢間可以自己揀海鮮，又有刺身、日式小食，立即book 枱試吓。餐廳環境不錯，地方闊落，坐得舒服。海鮮種類唔算多，但好新鮮，d鮑魚好大隻，蝦又爽口。OpenRice 訂枱有龍蝦送。剌身每次只可以選兩片，比較麻煩，不過都幾新鮮，而且冇漏單，小食就不過不失。餐廳仲有日本啤任飲，真心唔錯，本來有雪糕食，但正想去食既時候，個雪櫃壞咗，我揀既套餐只有90分鐘時間，所以比較趕，但整體來說，又海鮮火鍋、又剌身放題，都值得推薦。