味道樂居酒屋 (河內道)

營業中

休息中

今日約咗朋友去尖沙咀一間居酒屋小聚。雖然居酒屋唔係好大，但係裏面裝修格調好貼近日本嘅居酒屋。舖頭裏便掛滿咗好多有日本特色嘅燈籠，同埋一啲類似小貼紙嘅小擺設，務求營造出一個好有日本感覺嘅居酒屋。居酒屋都好自動化，用QR code 形式睇餐牌同埋自助落單。餐具都係雞泡魚系列， 好可愛。首先我哋叫咗一個燒鱈魚乾，燒得好香口。小食方面，我哋叫咗芝士免治雞肉棒同埋一個唐楊魷魚鬚。主食就叫咗一個牛肉壽喜燒，大大份，上檯嘅時候熱辣辣。