熊拉麵 (蘇杭街)

營業中

休息中

掛住日本🇯🇵但冇得飛，唯有食拉麵🍜頂住心癮先。上環呢間良心小店絕對值得一試。首先環境裝修充滿日本小店Feel，鋪面唔算大，但有齊吧檯同埋二至四人揀。餐廳做足防疫措施，中午時間排左十五分鐘先入座。招牌熊拉麵（$88）麵身軟硬度適中，湯底濃郁但唔會過鹹。中途加左少少辣芽菜落湯底，成個拉麵嘅湯底就轉左另一種風味☺️ 今次揀左梅頭瘦叉燒，感覺輕盈啲，不過就冇左火炙肥叉燒果種炙燒風味。配料溏心蛋就正正常常，木耳絲就令到拉麵更加有口感！自家製辣蔥餃子🥟有五隻，餃子邊煎到脆卜卜，配埋辣蔥一齊食係幾特別嘅。