熊拉麵 (蘇杭街)

營業中

休息中

上環打工仔食飯既選擇絕對唔算少, 不過我地個個隔一排一定會黎食下先滿足。而家雖然已經唔再係呢區返工，但間唔時黎開中上環又諗唔到食咩就一定會諗起佢。地方同其他拉麵館差不多， 都係較窄，不過佢地有個位放外套，枱下有勾掛袋，我覺得已經算係好好，可以輕輕鬆鬆食餐飯。職員態度亦好好，個個都主動及笑容滿面。麵既款式唔算多，不過每次唔同既期間限定食過幾次都有驚喜，唔岩心水既就可以叫返正常款式：招牌、黑熊、赤熊、魚介熊，本人認為每個都各有好食同特式。但自己食拉麵就鐘意重口味， 所以今次都係會點黑熊拉麵 – 黑蒜油，仲要配火炙肥叉燒先最岩我心意！麵底份量適中，湯底夠濃&杰身，口感好豐富，再加埋燒得岩岩好既叉燒食落有少少脆同油份，真係好好食！！！而店入面既配菜有薑、酸菜、芽菜，我就一定食芽菜，夠辣好開胃， 食完個麵再食多啖芽菜收尾係最滿足。佐敦同上環兩間都食過，我都覺得好好食。希望佢地Keep住做Keep住呢個水準，我一定再支持。

熊拉麵🍜好鍾意呢一間拉麵店裝修方面已經好有日本地道感覺仲要個拉麵真係好好食有提供冰水呢part已經好日本佢地啲配料仲要好食特別係個辣芽菜 配埋拉麵食好爽脆 仲要辣辣地好開胃 黑熊拉麵🍜見到個湯底就知好香濃濃濃嘅豚骨湯底加埋黑蒜油同炸蒜個湯底真係無得輸叉燒竟然有三款選擇咁多今次我揀左火炙肥叉燒其實佢嘅瘦叉燒同埋半肥瘦都好食但係我抗拒唔到邪惡的火炙肥叉燒表面焦香味再加埋肥美嘅肉香係口腔大爆發真係好好食 得一塊邊度夠㗎！！！

拉麵越開越多但係講到最愛最啱自己心水，就係呢間熊拉麵一諗起拉麵就會諗起佢食完每次隔一排又會好想再食每次都一定會叫佢嘅魚介熊拉麵仲有不得不提佢嘅辣芽菜一定一定一定要食每次食佢嘅糖心蛋都一定唔會撻Q 湯底係屬於濃厚嘅唔係清湯底而且每次都一定會飲晒佢果湯

餐廳地方淺窄， 坐得唔太舒服， 所幸服務員態度幾好，仲會特登攞籃畀你放下隨身物品同背囊。點咗個生滾廣島蠔豚骨湯拉麵。 面條有1.25mm幼面同埋1.5 mm中幼面兩種之分， 我要咗1.5 mm， 食落彈牙又掛湯 。蠔有四隻，粒粒都非常飽滿，肉貨鮮美。

中環的日式拉面店，12點前到不用等位亦都有幾枱人食緊叫左招牌的熊拉面，個樣就咁睇落有好有唔好。好係比起其他店佢係俾一隻完整半熟蛋你。不過叉燒就只有一片明顯較少，配菜亦都失色只有蔥花和木耳碎，個人比較喜歡有更多蔬菜和竹笋之類的配菜令成件事健康D，同埋蔬菜吸左面汁亦都好好味。試飲湯底飲落係OK GE，唔算係好濃好咸的味，口味較為清淡健康，但係豚骨味就唔太突出，不過不失。麵都係OK，叫左較粗的那款同埋普通硬度，但湯底不太掛麵所以食起上來會有少少淡，但就可以飲些湯來配搭。份量係足夠正常食量的人。總括來講味道OＫ，配料不足，價錢偏貴一碗＄９５性價比只是一般。

去完文武廟，陪阿sir食佢至愛嘅《熊拉麵》，星期日中午12:30嚟到要排幾個，本身諗住食招牌同黑熊，點知見外牆貼住期間限定～牡 蠣 豚 骨～，阿sir即刻超興奮話佢終於返嚟，我哋一定要一齊試！! ！🥢熊手作餃子 $48 ⭐️⭐️⭐️⭐️如果一個人嚟就唔會叫，因為碗拉麵份量都唔惹小，女仕勉強先食得晒。講返呢個餃子都唔錯，外層煎得金黃，食落好香脆，裡面嘅豬肉同菜比例平均，餃子皮厚薄適中，似鍋貼口感，所以都幾實在，但我鍾意。🥢生滾廣島蠔豚骨湯拉麵 $126 ⭐️⭐️⭐️⭐️如果鍾意食蠔都應該要一試，問咗應該做到新年前，隻隻蠔都肥大飽滿有蠔味，再加一片火灸半肥瘦叉燒，都咪話唔滿足，叉燒睇落好似好肥，但入口一啲油膩感都無，火灸過仲非常香口，最利害係個豚骨湯濃郁之餘不帶半點油，所以我忍唔住飲晒啲湯，除此之外，拉麵粗幼同軟硬度都可以揀，點揀啲麵都同樣掛湯，所以阿sir咁鍾意嚟都係一個主要原因，期望下次試其他期間限定。二人共消費：$300

之前睇咗「衞食攻略」，知道上環蘇杭街一帶有好多平民小店，放工就約埋同事一齊，係西營盤行過嚟搵食。見呢間熊拉麵有介紹過，價錢亦唔算貴，就入去坐低咗。招牌熊拉麵 ($95)豬骨湯底，份量正常，最出色係隻溏心蛋魚介熊拉麵 ($97)比起中環嗰間鯛魚湯底，呢間比較濃，但都好味。叉燒得一片，係大片薄切。麵底可以揀軟硬度。可以追加其他配料及香味油。會有期間限定款拉麵，呢段時間係生蠔拉麵。不過我哋對生蠔無興趣就試番招牌款。可以encore再去既小店。

嚟到呢間熊拉麵，真係要置身其中先知有幾得！湯底嚟講，啖啖濃郁，飲落去好順喉，完全唔會膩口，真係滿足到成個味蕾🤤！而家講吓拉麵，中幼條條麵身彈牙得嚟，每條都分明，好有嚼頭，一啖咬落，麵香四溢。嗱，熊拉麵個招牌肥叉燒，實言相告，真係肥美又多汁，火炙過嘅邊緣微微的焦香味，食落去簡直係嘆為觀止！呢個溏心蛋，真係熱門擋唔住，蛋黃流心得啱啱好，咸香得嚟又唔舂喧賓奪主。哎呀，實話跟大家講，呢個是但揀㗎嘅素菜，竟然都可以爽口到不得了，脆口嘅木耳同爽滑嘅筍尖，涼拌得啱啱好，成盤都係清新味道。試過喇，下次真係要搞個拉麵團，再帶多啲朋友嚟飽餐一頓，唔使搵得咁辛苦，因為呢間熊拉麵，係一個可以喺味道上打個滿分嘅好地方，肚仔餓嘅時候憶起就會心癢癢，走過路過唔好錯過啊！

熊拉麵 上環又到熊拉麵新推出期間限定的日子，上次限定的冷麵真心唔錯，今次一於試下佢個新限定，登登登係蜆肉豬骨湯拉麵。 拉麵賣相方面同海報差唔多，湯汁入口是豬骨湯味加草青味，草青味濃厚。蜆肉的數量算不少，但較為細隻，蜆肉有蜆肉味但對比唔算突出，唔覺得對個拉麵有加成效果，是一碗正常豬骨味的拉麵。 個人口味較為偏向之前的冷麵限定及蠔限定之類，當然如果個蜆肉晌湯汁能出返多點味應該會更加好，感覺今次個蜆做唔到主角，只能是配角。

熊拉麵 上環又出了夏天限定冷麵-海之幸焙煎芝麻醬冷麵😋，芝麻醬配上甜蝦、筍絲、蟹柳絲、青瓜絲、火腿絲、蕃茄仔、蛋及三文魚子，材料非常豐富，整個配搭要咬感有咬感，要味道有味道，要爽脆有爽脆，凍凍的拉麵再加上開胃的芝麻醬。夏天就會是不太想吃熱的，冷麵的口感冰涼又清爽，份量亦都唔少。但是如果不夠吃的話，呢到亦可以好似普通拉麵咁，加點一個全部配料，配料入面有幾塊叉燒（可轉角切或炙燒的叉燒）、木耳絲、筍絲、流心蛋及紫菜。

今日「里想煮意」一個人去揾食，由中環行到上環就快熱死嘅時間，見到有一間日本拉麵店，門口有一張大poster介紹冷麵，真係唔理咁多，即刻走入去。餐廳主要都係以拉麵為主，不過我自己本身唔係太鍾意食熱嘅拉麵，所以就叫左期間限定嘅海之幸焙煎芝麻醬冷麵$108唔知係咪因為自己行到熱辣辣，所以覺得個冷麵更加好味，簡直可以用涼透心來形容。麵質係有啲偏硬，不過我相信呢個係日本嘅味道。配菜方面，最好食當然係三文魚子同蝦刺身，仲有糖心蛋都好好味。最驚喜係埋單原來唔使收取加一服務費，所以我今餐$108真係走得😊

在上環依間日本拉麵店 中午放lunch 時間成日排長隆 今日同同事走去試下 排了大約二十分鐘 終於入到去 我即刻點左個招牌拉麵同芝士魚肉條 拉麵確實值得排一陣隊去食 湯得吾算太濃 麵都幾好食 不過芝士條就比較一般 下次去可以吾叫

相約係附近返工嘅舊同事食飯，慶祝星期五終於嚟到啦天氣仲涼涼哋，最終決定食拉麵。平時見佢好多人排隊，我都早咗少少出嚟等位。我㨂咗魚介豬骨火㶤半肥瘦叉燒，湯底還可以，有重重嘅木魚味，叉燒軟淋甘香。另外點咗一客餃子，有點無言…..全部餃子皮都煎爛咗，餡料接近無調過味。整體而言不過不失，但要排隊就不值得。

🐻熊拉麵🍜有啲日本人係鐘意食拉麵配白飯所以有個Term叫做「拉麵飯」而我老細個日叫左個黑蒜油拉麵再叫多個迷你半熟蛋叉燒飯唔通佢就係傳說中既拉麵飯狂熱派(´⊙ω⊙`)迷你半熟蛋叉燒飯 $34$34 又真係性價比好高勁多角切叉燒粒個碗睇落迷你 但食落都好多仲有半隻我最愛既半熟流心蛋配埋個拉麵湯底又真係無得輸…濃厚黑松露野菌拉麵 $108黑松露野菌拉麵真係第一次食一上枱已經香到爆炸而個拉麵都好掛汁野菌都係平日果啲菇啦 整得幾Juicy黎到識食一定食肥叉果個油脂味 真係諗起到流曬口水

濃厚黑松露野菌拉麵 $108黑松露野菌拉麵真係第一次食一上枱已經香到爆炸而個拉麵都好掛汁野菌都係平日果啲菇啦 整得幾Juicy黎到識食一定食肥叉果個油脂味 真係諗起到流曬口水呢款仲要無我最唔鍾意食嘅荀雖然本身個拉麵已經好夠味但都好鐘意呢到個辣芽菜仔配埋拉麵食好惹味(о´∀`о)Btw 我次次都會加粒溏心蛋今次叫左期間限定以為無溏心蛋手快快加左一粒結果食左兩粒超好食溏心蛋開心～ 不過飽到癲左(@￣ρ￣@)下次仲想再食