更多
2017-06-14
181 瀏覽
唔知大家有無係聽過日本紅極一時嘅吉列牛扒，外層炸得香脆，但入面嘅牛肉仍然係全生嘅。食客可以直接加washabi享用，又或者將牛肉放係烤爐上面微微烤熟，再配上唔同醬汁食。為左呢個吉利牛，我都係東京嘅寒風之中，同當地人都一齊排左成個鐘隊。香港確實係美食天堂，估唔到短短兩年嘅時間，吉列牛已經殺到黎香港。男朋友知道又嚷住要試下，咁好味嘅野食當然要一食再食。跟住openrice地址搵到黎旺角726號大廈，原來係一棟翻新完，接近全棟都係食肆嘅大廈，附近打工仔真有口福。電梯17/F嘅餐廳標示只有韓文，即時心生疑惑，我地唔係去食日本野咩？上到去，終於見到吉列牛忌廉烏冬等字眼，知道無黎錯。睇餐牌，先發現我地一直誤會左呢間係純日式餐廳。Kobekyu呢個名，你未必記得，但提起首爾美食，相信愛吃之人對早前風靡一時，用厚厚一層白色忌廉鋪面嘅忌廉烏冬必有印象。老實講，我當時只係被果層忌廉所迷惑，無留意到呢間店舖另一主打吉列牛。哈哈，我地誤打誤撞，就上到黎試晒兩款美食，正啊！餐廳深深明白，大家上黎都係想食主打嘅兩款食物，提供左幾款嘅吉列牛set俾大家選擇。我地叫左Set 2: 吉列牛+ 咖哩忌廉牛肉烏冬+2汽水
香港確實係美食天堂，估唔到短短兩年嘅時間，吉列牛已經殺到黎香港。男朋友知道又嚷住要試下，咁好味嘅野食當然要一食再食。
跟住openrice地址搵到黎旺角726號大廈，原來係一棟翻新完，接近全棟都係食肆嘅大廈，附近打工仔真有口福。電梯17/F嘅餐廳標示只有韓文，即時心生疑惑，我地唔係去食日本野咩？
上到去，終於見到吉列牛忌廉烏冬等字眼，知道無黎錯。睇餐牌，先發現我地一直誤會左呢間係純日式餐廳。Kobekyu呢個名，你未必記得，但提起首爾美食，相信愛吃之人對早前風靡一時，用厚厚一層白色忌廉鋪面嘅忌廉烏冬必有印象。老實講，我當時只係被果層忌廉所迷惑，無留意到呢間店舖另一主打吉列牛。哈哈，我地誤打誤撞，就上到黎試晒兩款美食，正啊！
餐廳深深明白，大家上黎都係想食主打嘅兩款食物，提供左幾款嘅吉列牛set俾大家選擇。我地叫左Set 2: 吉列牛+ 咖哩忌廉牛肉烏冬+2汽水 ($246)，再外加一客kobekyu秘製蛋捲($68)。
識日文嘅朋友應該留意到店名kobekyu，即係神戶牛咁解。不過店舖採用嘅牛肉並唔係和牛，而係一樣牛味香濃，更有咬口嘅美國牛肩脊。吉列牛分量都幾多，外層係薄薄一層麵包糠，炸得香脆，入面嘅牛肉肉質鮮甜味美。
吉列牛定食
20 瀏覽
0 讚好
0 留言
喜歡生食嘅朋友可以直接蘸上washabi，喜歡熟食嘅朋友，可以將牛肉放上小火爐，隨自己喜好烤到幾多成熟。點上醬油或者蒜蓉沙律醬，更帶出牛肉嘅風味，用黎送日本米飯，一流！
吉列牛定食精緻，有芝麻醬豆腐、小蕃茄同沙律菜，減輕油膩感。不過個人認為，吉列牛炸得剛剛好，跟本就唔油膩，食到停唔到口。
吉列牛定食
15 瀏覽
0 讚好
0 留言
吉列牛定食
21 瀏覽
0 讚好
0 留言
咖哩忌廉牛肉烏冬，賣相獨特，用一層厚厚嘅忌廉鋪面。將兩者撈勻，可見忌廉十分掛麵，食落更加香滑有口感。忌廉睇落厚身，但撈勻之後發現，佢creamy得黎食落又唔會好滯，兩個人分享剛剛好。
咖喱忌廉牛肉烏冬
11 瀏覽
0 讚好
0 留言
咖喱忌廉牛肉烏冬
19 瀏覽
0 讚好
0 留言
Kobekyu秘製蛋卷，蛋卷內層係流心芝士，絕對做到備受芝士控吹捧嘅拉芝效果。蛋卷嫩滑，同樣地可以配上蒜蓉沙律醬，但呢個沙律醬更加入左washabi，味道更突出。
Kobekyu秘製蛋卷
$68
20 瀏覽
0 讚好
0 留言
Kobekyu秘製蛋卷
$68
15 瀏覽
0 讚好
0 留言
一間餐廳，可以試勻兩款美食，再加上小食都十分出眾，價錢方面亦唔算特別貴。我地午飯時間去到，十二點剛剛開舖無咩人，但短短半個鐘內已經坐滿八成。唔知晚市係咩情況，建議大家最好都係一早book定枱。
張貼
