影片
更多
2018-04-03
391 瀏覽
復活節假期前夕就約埋幾個朋友黎到荔枝角呢邊食晚飯，然後一齊去廈門。其實呢邊好多餐廳都藏身於工廈中，而相馬日式火鍋亦係位於昌隆工業大廈，就喺D2place附近。印象中我黎過呢個鋪位食飯，但當時好似食日式放題，都咁多年前，睇怕已經轉手好耐。餐廳位置頗多，黎到時間尚早，唔算好多人，始終係位置較隱蔽。坐得幾舒適，不過冷氣唔係好夠，我地都一路食一路流哂汗。同大部分日式火鍋一樣，都係一個價錢，任飲任食。牛肉有幾款，分美國進口牛、美國頂級牛、美國頂級牛小排、特上澳洲和牛，定價$168-388/位。套餐除左包左牛肉，仲有豚肉、雞肉任食，配料選擇都多，有丸、腸、蔬菜、麵食、飲品就自取，最後可以食埋milk top雪糕。揀左美國牛小排嘅套餐，每位$288，首先店員好快幫我地上左湯底，選擇左鴛鴦 - 蕃茄、豬骨，湯底冇咩特別。豬、牛、雞嘅質素同價錢相符，特別係我地追加左幾次牛肉，回本之選。牛嘅質素都相當唔錯，每片大小適中，而脂肪均勻，追加嘅都係同一質素，口感嫩腍，完全唔會有平價牛肉嘅粗糙口感，可能我地冇抱太高期望，相對下又覺得幾唔錯豚肉薄身，唔會鞋口，亦冇肥膩感。雞肉睇得出幾新鮮，冇雪藏感。配料自取，款式齊
餐廳位置頗多，黎到時間尚早，唔算好多人，始終係位置較隱蔽。坐得幾舒適，不過冷氣唔係好夠，我地都一路食一路流哂汗。
同大部分日式火鍋一樣，都係一個價錢，任飲任食。牛肉有幾款，分美國進口牛、美國頂級牛、美國頂級牛小排、特上澳洲和牛，定價$168-388/位。套餐除左包左牛肉，仲有豚肉、雞肉任食，配料選擇都多，有丸、腸、蔬菜、麵食、飲品就自取，最後可以食埋milk top雪糕。
揀左美國牛小排嘅套餐，每位$288，首先店員好快幫我地上左湯底，選擇左鴛鴦 - 蕃茄、豬骨，湯底冇咩特別。豬、牛、雞嘅質素同價錢相符，特別係我地追加左幾次牛肉，回本之選。
牛嘅質素都相當唔錯，每片大小適中，而脂肪均勻，追加嘅都係同一質素，口感嫩腍，完全唔會有平價牛肉嘅粗糙口感，可能我地冇抱太高期望，相對下又覺得幾唔錯
豚肉薄身，唔會鞋口，亦冇肥膩感。
雞肉睇得出幾新鮮，冇雪藏感。
配料自取，款式齊全，整體都新鮮，包括炙燒芝士丸、龍蝦丸、竹輪呢啲，都唔會話雪到冰冰硬硬
蔬菜都好新鮮，我地主力食皇帝菜、瓜類，非常飽肚。
飲品方面有汽水、紙包裝、罐裝道地、韓式飲品都有。
Milk Top雪糕係第一次食，知道買一杯都唔平，我地食左幾款，印象特別深刻就係薑味
薑味好重，雪糕質地滑，難得放題都有呢隻雪糕。
相馬日式火鍋嘅環境正常，揀左呢款人均接近三百蚊嘅套餐，特別滿意牛肉。
呢度人流唔算好旺，同朋友傾下計，都係可以一試。
張貼
