發哥粥底海鮮火鍋 (已結業)

朋友係附近反工，話之前lunch 見到佢反工附近有間粥底火鍋好似幾好咁，上網睇都有唔少好評，就諗住約埋幾個朋友搵一晚一齊去食。約左一段時間之後，終於約左早幾日去食下。 上網睇見到只係有粥底火鍋，但黎到原來佢新加左雞煲加火鍋。不過今次都係食左粥底海鮮火鍋先，下次先試下雞煲。 咁佢就分兩個主食，一係揀肉蟹，價錢就198蚊一位，一係就揀龍蝦，咁就258一位，而且唔使加一。我地都係揀龍蝦啦，正好多。之後配料方面就揀8款。 飲品係自助形式，選擇唔係話好多，但都夠飲。 首先黎既係三文魚魚生，一人兩片，都鮮味。 跟住就黎一盤既海鮮，都有幾多料，有一人一隻龍蝦，龍蝦大大隻，多肉又有羔，仲有鮑魚、大蜆、同埋蟶子，全部都洗得好乾淨。而且唔怕驚唔熟，因為張枱有張menu會教你要淥幾耐既。 不過，服務員話今日無蝦既關係，咁就黎左兩盤蜆，但蜆係無沙，新鮮既。 之後仲有多寶魚，味道清清地，但肉質好滑。 食完海鮮之後就食其他邊爐配料，推介雞件，感覺唔係雪藏雞黎，有雞味。 打邊爐梗係唔少得牛肉啦，質素都唔錯。 另外，仲有叫左其他配料，有餐肉、海膽丸等等。 食完哂所有野之後，就落飯落去煮成粥，粥底吸哂所有鮮味，成碗粥