128
4
4
港鐵九龍灣站 B 出口, 步行約10分鐘 繼續閱讀
所有分店 (3)
電話號碼
31888192
營業時間
今日營業
18:00 - 00:00
星期一至日
18:00 - 00:00
付款方式
現金
座位數目
160
其他資料
Wi-Fi
自帶酒水
外賣服務
加一服務費
電視播放
食評 (144)
等級4 2020-07-29
0 瀏覽
發哥粥底火鍋用新鮮海鮮做招牌,性價比十分高!平民價錢就可以食即叫即撈到時令海鮮 !餐廳系九龍灣工業中心入面,位置頗隱蔽,但地鐵站行過去都好近。我地就叫左龍蝦餐,七款海鮮,龍蝦,海蝦、蟶子、扇貝、鮑魚、蜆、魚超大一個拼盤。飲料方面有汽水、竹蔗水任飲!每位包一盅燉湯同送蒜蓉青口!套餐仲可以揀八款配料,只系人頭份量。質素還可以。食到最後店員就會加入粥底,芋頭粒南瓜粒同粟米粒,只要幾分鐘就將粥底煮好啦。個湯底係有晒海鮮嘅精華,食落去超鮮甜,就好似食緊海鮮粥一樣! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-27
794 瀏覽
第一次食粥底火鍋,真係有驚喜,單單食海鮮已經飽到上心口啊,岩晒海鮮怪。每人有個滋補靚湯飲,又有小食食住等。海鮮拼盤上枱一瞬間大家都呆左,樣樣都大隻又新鮮,不過d蜆有少少沙扣左分,但食到後尾個粥結合晒所有精華不得了! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-02-08
536 瀏覽
無影相 信就信唔信就當做善事成餐飯只有樓面服務員態度係值得正評。粥底火鍋最重要係點材料,食佢既鮮味但可惜全部欠奉。多寶魚好腥,龍蝦有陣泥味,蜆唔乾淨有沙。八款配料當中其中有款係巨形蟹棒 但來既係大陸垃圾蟹柳,仲要酸臭。再者「花膠」原來都只係豬皮!咁既材料點會有好粥?成個餐我連粥都無食走左!食到我都成肚火!埋單仲要接近$600但係品質係極劣!成餐飯得燉湯同埋鮑魚係正正常常。唔好侮辱點食物同欺騙顧客 兩隻字 垃圾 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-20
468 瀏覽
屋企人過冬嚟咗試一間新嘅蒸氣火鍋,佢係每一個人可以揀唔同嘅,最平嗰個呢就係配蟹嘅,貴啲嘅就係有半隻龍蝦嘅,我哋兩個都嗌咗。佢個餐呢首先係配咗啲前菜,有啲醃咗嘅青瓜同木耳,跟住仲有一個螺頭雞湯,個雞湯都唔錯,都足料~佢default再配咗每人有兩隻青口。另外仲有係鮑魚,整法可以係生嘅鮑魚放落去火鍋度煮,or冰鎮鮑魚,係有得揀嘅。佢本身跟餐仲配咗安格斯肥牛,啲牛肉都係靚靚哋,唔算超級肥同埋都幾有肉味。跟住輪到海鮮啦!睇上去其實幾唔錯嘅,但係食落去呢就麻麻地好多蜆,特別係大蜆,都係死嘅,所以一直開唔到口!然後啲龍蝦雖然睇落好新鮮, 最初上菜隻腳仲有少少郁嘅,但食落去口感就好似係好淋,似係梅左咁! 全部海鮮呢都只係好一般,係隻蝦同蟹好啲! 而且仲有一個大問題就係海鮮會有種腥臭味,佢可能係抽風系統唔夠好,一靠近個鍋就聞到好大陣臭味,之前食過好多其他嘅蒸氣海鮮火鍋都冇呢個問題,所以呢點令我覺得好失望嘅 繼續閱讀
(以上食評乃用戶個人意見 , 並不代表OpenRice之觀點。)
好多時喺九龍灣都唔知食咩好,食嚟食去都係啲大型商場嘅餐廳,又或者連鎖店。今次經過九龍灣附近嘅工廈, 發現一間都幾旺場嘅海鮮粥底火鍋, 於是決定去試下。見有唔少人都叫呢度嘅海鮮粥底火鍋,可以選擇龍蝦餐或者肉蟹餐, 兩個都好似好吸引,不過我都決定係食龍蝦,因為唔使點剝殼吖嘛。先上一盅燉湯,非常足料,入面有雞肉、瘦肉、花膠等等,飲落好清甜。再嚟一個蒜蓉焗青口,每隻都好大隻,加埋蒜蓉好香好惹味,唔錯。 當然最重要嘅都係火鍋啦,呢度嘅海鮮真係好正好新鮮,龍蝦大大隻,加埋其他嘅海鮮,例如蟶子、大蜆、多寶魚、海蝦等等,淨係食海鮮拼盤都夠飽。尤其係龍蝦好鮮甜彈牙,而且仲有膏, 非常好食。至於其他配料都好豐富,我哋就選擇咗墨魚滑、滑牛肉、 韭菜餃、釀冬菇同幾款蔬菜,每樣嘅份量都好足夠。而且睇得出好有心機,尤其是呢個蝦滑,非常特別。最後食飽飽仲可以叫侍應幫手加啲南瓜、粟米、菜脯、芫茜等等嘅配料,加埋粥底一齊去煮,粥底吸收曬海鮮嘅鮮甜味,飲落真係好滿足。每人埋單都係三百蚊唔使,但就食到咁豐富咁高質嘅海鮮粥底火鍋, 值得一試。 繼續閱讀
(以上食評乃用戶個人意見 , 並不代表OpenRice之觀點。)