갈비궁 Galbi Gung

營業中

休息中

大圍新商場圍方開咗啦，除咗望望新開嘅英皇戲院之外，一上到呢個商場就見到間韓式餐廳，就決定試試～開頭五碟冰涼伴菜，有涼伴芽菜、泡菜、辣蘿蔔絲、涼伴酸海藻、醃漬青瓜，個人最愛首款的芽菜，而友人則愛爽脆青瓜。冒住白煙的韓牛生牛肉石鍋飯先叫咗呢款，侍應幫忙搞拌後，生蛋心混合熱呼呼飯米更加香！友人同我亦點了荔枝梳打/提子梳打，個人喜歡前者，夏天配住粒粒荔枝特別夾。特等牛肋骨、木槿花和牛壽喜燒、三筋肉栗山肩芯骨，依次迅速送上。木槿花形整得好靚，蘸上蛋黃與蔥花燒汁，油脂最均衡的選擇！炭火燒成的牛肉特別咬口。餐廳燈光比較柔和，木質枱配梳發好舒服，裝潢感覺都很高檔。抽風系統都好，油煙好快就吸收。充足人手侍應好貼心。或者可以加句「小心梯級」在客人入座離座前後就更安全。閒日午後都幾滿座，而廁所就在餐廳門口附近所以幾方便。